ධවල මන්දිරයේ දකුණු තණබිම් තීරයේ (South Lawn) පැවැති “ජාතික කෘෂිකාර්මික දින” සැමරුම් උළෙල අමතමින් ජනාධිපති ඩොනල්ඩ් ට්රම්ප් ඇමරිකානු ගොවීන් වෙනුවෙන් ඇමරිකානු ඩොලර් බිලියන 40කට අධික ෆෙඩරල් ආධාර ප්රමාණයක් නිල වශයෙන් ප්රකාශයට පත් කළේය. ඇමරිකානු ගොවීන්ගේ ඔරොත්තු දීමේ හැකියාව අගය කළ ජනාධිපතිවරයා, මෙම පියවර හරහා එරට කෘෂිකාර්මික ක්ෂේත්රය තවදුරටත් ශක්තිමත් කරන බව අවධාරණය කළේය.
මෙම ආධාර වැඩසටහන යටතේ 2026-2027 වසර සඳහා EPA ජෛව ඉන්ධන මිශ්ර කිරීමේ කෝටාවන් (Biofuel blending quotas) අවසන් කිරීමට පියවර ගෙන ඇත. එමගින් බඩඉරිඟු ආශ්රිත එතනෝල් සඳහා පවතින ඉල්ලුම ඉහළ නැංවීමට අපේක්ෂා කෙරේ. විශේෂයෙන්ම වසර පුරා E15 ඉන්ධන අලෙවි කිරීම සඳහා අවසර ලබාදීමත් සමඟ බඩඉරිඟු මිල 5% සිට 7% දක්වා ඉහළ යනු ඇතැයි ආර්ථික විශ්ලේෂකයෝ පුරෝකථනය කරති.
මෙම නව ප්රවේශය, 2025 වසරේදී වෙළෙඳ ගැටලු හේතුවෙන් ගොවීන්ට ලබා දුන් ඩොලර් බිලියන 12ක ආධාර වැඩසටහනේ (Farmer Bridge Assistance Program) ඉදිරි පියවරක් ලෙස සැලකේ. ගෝලීය වෙළෙඳපොළේ පවතින අස්ථාවරත්වය සහ පිරිවැය ඉහළ යාම හමුවේ ගොවි ආදායම් ස්ථාවර කිරීම මෙහි මූලික අරමුණයි. ගොවීන් සහ ජෝන් ඩියර් (John Deere) වැනි ප්රමුඛ පෙළේ කර්මාන්ත ප්රධානීන් ඇතුළු 1,000ක පමණ පිරිසක් සහභාගී වූ මෙම උළෙලේදී, එතනෝල් නිෂ්පාදනය හරහා වාර්ෂිකව ඩොලර් බිලියන 50ක ආදායමක් සහ රැකියා 400,000ක් උත්පාදනය වන බව ද පෙන්වා දෙන ලදී.
තොරතුරු උපුටා ගැනීම fox news(x) වාර්තා ඇසුරින්
