දුම්රිය වැඩවර්ජනය පිටුපස දේශපාලන බලවේගයක් ඇති බව කෘෂිකර්ම අමාත්‍ය මහින්ද අමරවීර මහතා පවසයි. අමාත්‍යවරයා මේ බව පැවසුවේ කයිලවැල් පෝටෑව වැව පිළිසකර කිරීම ආරම්භ වු අවස්ථාවේදීය.
එහිදී අමාත්‍යවරයා කියා සිටියේ පසුගිය දිනවලදී උසස් පෙළ විභාගයට පෙනී සිටින අවස්ථාවකදී කිසිදු පුර්ව දැනුම් දීමකින් තොරව දුම්රිය වැඩවර්ජනය සිදු කර ඇති බවයි.
එහිදී අහිංසක රජයේ සේවකයින් ලක්ෂ ගණනක් පීඩාවට පත්වු බවත් මහජන විරෝධය පළමුවන වතාවට වැඩවර්ජකයින්ට එල්ල වූ අවස්ථාවක් වු බව ද අමාත්‍යවරයා කියා සිටියේය.
මේ මිලේච්ඡ වැඩ වර්ජනය පිටුපස්සේ ඇතැම් දේශපාලකයින් සිටින බව දන්නා බවත් මෙවැනි දේ නිකම්ම ඇතිවෙච්ච වැඩවර්ජනයක් නොවන බව හෙතෙම කියා සිටියේය.
මෙහි පිටුපස්සේ දේශපාලනය තිබෙන බවත් නමුත් ජනාධිපතිවරයා මැදිහත්ව මෙම වර්ජනය විසඳීමට පියවර ගත් බවයි.
