ආරක්ෂක අමාත්යාංශය, අධ්යාපන අමාත්යාංශය සහ තරුණ කටයුතු අමාත්යාංශය ඒකාබද්ධව හදිසි අනතුරු වැළැක්වීම සම්බන්ධයෙන් පුළුල් ක්රියාකාරී සැලැස්මක් සකස් කිරීමට පියවර ගෙන තිබේ. මෙම වැඩපිළිවෙළ යටතේ යුද්ධ හමුදාව, පොලීසිය, ජාතික තරුණ සේවා සභාව, පළාත් පාලන ආයතන සහ සෞඛ්ය අමාත්යාංශය ඇතුළු පාර්ශ්ව රැසක සක්රීය දායකත්වය ලබා දීමට නියමිත බව වාර්තා වේ.
මෙම ක්රියාකාරී සැලැස්ම ක්රියාත්මක කිරීමේ ප්රධාන අංගයක් ලෙස හදිසි අනතුරු වළක්වා ගැනීම පාසල් අධ්යයන ක්රියාවලියට ඇතුළත් කිරීමට සැලසුම් කර ඇති බව අධ්යාපන නියෝජ්ය අමාත්ය වෛද්ය මධුර සෙනවිරත්න මහතා පවසයි. විශේෂයෙන්ම දිවයින තුළ වැඩි වශයෙන් වාර්තා වන දියේ ගිලීම් සිදුවීම් අවම කිරීම කෙරෙහි මෙහිදී වැඩි අවධානයක් යොමු කර ඇති අතර, ඒ සඳහා සිසුන් දැනුවත් කිරීම සහ ඔවුන්ගේ කුසලතා වර්ධනය කිරීමේ විශේෂ වැඩසටහන් ක්රියාත්මක කිරීමට නියමිතය.
පාසල් මට්ටමින් සහ තරුණ ප්රජාව ඉලක්ක කර ගනිමින් ක්රියාත්මක වන මෙම ඒකාබද්ධ ක්රියාකාරී සැලැස්ම හරහා හදිසි අනතුරු හේතුවෙන් සිදුවන ජීවිත හානි අවම කර ගැනීමට හැකි වනු ඇති බව බලධාරීහු අපේක්ෂා කරති. ආරක්ෂක සහ සෞඛ්ය අංශවලද සහයෝගය ඇතිව ක්රියාත්මක වන මෙම ජාතික වැඩපිළිවෙළ ප්රායෝගික මට්ටමින් සාර්ථක කර ගැනීම සඳහා අදාළ ආයතන ඒකාබද්ධව ඉදිරි පියවර ගැනීමට නියමිතය.
