කෘෂිකර්ම, පශු සම්පත්, ඉඩම් හා වාරිමාර්ග අමාත්යාංශය යටතේ ක්රියාත්මක කෘෂිකාර්මික හා ගොවිජන රක්ෂණ මණ්ඩලය මගින් මෙරට ගොවි ජනතාව උදෙසා අතිශය වැදගත් තීරණයක් ගෙන තිබේ. ඒ අනුව, ශ්රී ලංකාවේ වගා කෙරෙන සෑම බෝගයක්ම ආවරණය වන පරිදි පුළුල් රක්ෂණ යෝජනා ක්රමයක් හඳුන්වා දීමට පියවර ගෙන ඇත.
මෙම නව වැඩපිළිවෙල හරහා වගාවන් සඳහා ස්වභාවිකව සිදුවන ආපදාවන් හේතුවෙන් ගොවීන්ට සිදුවන පාඩුව අවම කර ගැනීම සඳහා කඩිනම් රක්ෂණ ආවරණයක් ලබා දීම අරමුණ වේ. විශේෂයෙන්ම කුරුඳු, රබර්, කෙසෙල්, තේ සහ පොල් වැනි ප්රධාන අපනයන සහ දේශීය වගා ක්ෂේත්ර සඳහා මෙම රක්ෂණ යෝජනා ක්රමය තුළින් ප්රමුඛත්වයක් ලබා දී තිබේ.
තවද, මෙම රක්ෂණ ජාලය වගා ක්ෂේත්රයට පමණක් සීමා නොවී, බිත්තර වී ගොවිපොළවල් ඉලක්ක කර ගනිමින් ද ක්රියාත්මක කිරීමට කටයුතු යොදා ඇත. මෙරට කෘෂිකාර්මික ක්ෂේත්රයේ නියැලෙන ගොවීන්ගේ ජීවනෝපාය ස්ථාවර කිරීම සහ ස්වභාවික විපත් හමුවේ ඔවුන්ගේ ආර්ථික ශක්තිය ආරක්ෂා කර ගැනීම මෙම වැඩපිළිවෙලේ මූලික අපේක්ෂාවයි.
