කෘෂිකර්මාන්ත, සංචාරක සහ අපනයන යන ක්ෂේත්රවල නිරත AHC සමූහ ව්යාපාරය, සිය ව්යාපාරික කටයුතු පුළුල් කරමින් අධ්යාපන ක්ෂේත්රයට ප්රවිෂ්ට වී තිබේ. කොළඹ ග්රෑන්ඩ් ඔරියන්ටල් හෝටලයේදී පැවැති මානව හිමිකම් නායකත්ව සමුළුවේදී, එම සමූහ ව්යාපාරය මගින් ‘ඉන්ස්ටිටියුට් ඔෆ් ඉන්ටර්නැෂනල් ඩිප්ලොමැසි’ අධ්යාපන ආයතනය නිල වශයෙන් ආරම්භ කරන ලදී.
AHC සමූහ ව්යාපාරයේ සභාපති සහ මෙම නව අධ්යාපන ආයතනයේ ආරම්භක සභාපති සාම තානාපති ආචාර්ය නාලක සිල්වා මහතා පවසන්නේ, දූ දරුවන්ට මෙන්ම වැඩිහිටියන්ට ද ජාත්යන්තර මට්ටමේ අධ්යාපන අවස්ථා උදාකර දීම මෙම ආයතනයේ අරමුණ බවයි.
මෙම ආයතනය ජාත්යන්තර තානාපති සබඳතා, මානව විද්යාව, මානව හිමිකම් සහ ජාත්යන්තර නීතිය, පරිගණක අපරාධ නීතිය, සාමාන්ය නීතිය, කෘෂිකර්මාන්තය, කලාව සහ සංස්කෘතිය යන ක්ෂේත්රයන් ඔස්සේ වෘත්තීය සහතික, ඩිප්ලෝමා, උසස් ඩිප්ලෝමා, උපාධි, පශ්චාත් උපාධි, පශ්චාත් උපාධි ඩිප්ලෝමා, ශාස්ත්රපති හා ආචාර්ය උපාධි පාඨමාලා පිරිනමයි. සියලුම පාඨමාලා ගෝලීය වශයෙන් පිළිගත් විශ්ව විද්යාල සහ අධ්යාපන ආයතන සමඟ සහයෝගයෙන් පිරිනැමෙන අතර සිසුන්ට ඉහළම අන්තර්ජාතික තලයේ අධ්යාපනයක් ලැබීමට අවස්ථාව උදා වේ.
මෙම සමාරම්භක අවස්ථාව සඳහා මානව හිමිකම් සංවර්ධනය සඳහා වූ ජාත්යන්තර හඩ සංවිධානයේ සභාපති රගූ ඉන්ද්රකුමාර, ප්රවීණ ජාත්යන්තර ක්රිකට් විනිසුරු කුමාර් ධර්මසේන, විදෙස් තානාපතිවරුන්, ව්යාපාරිකයන් සහ කලාකරුවන් ඇතුළු පිරිසක් සහභාගී වූහ.
