කෘත්රිම බුද්ධිය (AI) වෛද්ය ක්ෂේත්රයේ පෙරළියක් කරමින්, දිගුකාලීන ආසාදනවලින් පෙළෙන රෝගීන්ට ප්රතිකාර කිරීම සඳහා නව වයිරස විශේෂයක් නිර්මාණය කිරීමට විද්යාඥයන් සමත් වී තිබේ. කැලිෆෝනියාවේ ස්ටැන්ෆර්ඩ් විශ්වවිද්යාලයේ රසායනික ඉංජිනේරුවකු වන බ්රයන් හී ප්රමුඛ පර්යේෂණ කණ්ඩායම විසින් ‘Evo1’ සහ ‘Evo2’ කෘත්රිම බුද්ධි ආකෘති භාවිත කරමින්, ඊ.කෝලි බැක්ටීරියාව අඩපණ කළ හැකි “බැක්ටීරියෝෆෙජ්” නමින් හැඳින්වෙන වයිරස 16 ක් පමණ මෙලෙස නිපදවා ඇත.
මිනිසුන්ට, සතුන්ට හෝ ශාකවලට බලපෑම් කරන වයිරසවල ජානමය සැලසුම් කෘත්රිම බුද්ධි ආකෘතිවලට ලබා දී නොමැති වුවද, විද්යාඥයන් මේ සම්බන්ධයෙන් බිය පළ කරති. ජෝන්ස් හොප්කින්ස් විශ්වවිද්යාලයේ මහාචාර්ය ටොම් ඉන්ග්ල්ස්බි, වෛද්ය මොරිට්ස් හෑන්ක් සහ ලන්ඩන් කිංග්ස් විශ්වවිද්යාලයේ ආචාර්ය ෆිලිපා ලෙන්ට්සෝස් පෙන්වා දෙන්නේ, වැරදි පාර්ශ්වයන් අතට පත්වුවහොත් කෘත්රිම බුද්ධිය යොදා ගනිමින් මිනිසාට අහිතකර ආකාරයේ වයිරස ජීවඅවි ලෙස නිපදවීමේ අවදානමක් ඇති බවයි. එබැවින්, ජාන සැකසුම් (ජෙනෝම) සම්බන්ධයෙන් ගෝලීය මට්ටමේ කඩිනම් නියාමන හා ආරක්ෂක විධිවිධාන අවශ්ය බව ඔවුන් අවධාරණය කර සිටිති.
