ශ්රී ලංකාවාසීන්ගේ ආරක්ෂාව තහවුරු කිරීමේ 31 වැනි වසර සනිටුහන් කරමින්, AIA ඉන්ෂුරන්ස් ලංකා (AIA Insurance Lanka) ආයතනය මෙවර පොසොන් උත්සව සමයේදී අනුරාධපුරය සහ මිහින්තලය වෙත පැමිණි ලක්ෂ සංඛ්යාත බැතිමතුන් වෙනුවෙන් පුළුල් ආරක්ෂක, සෞඛ්ය සහ ප්රවාහන සේවා රැසක් ක්රියාත්මක කර තිබේ.
මෙම වැඩසටහන යටතේ කොළඹ කොටුව සිට අනුරාධපුරය දක්වා නොමිලේ පොසොන් തീරිච්චි විශේෂ දුම්රියක් ක්රියාත්මක කළ අතර, එයින් බැතිමතුන් 1,500කට පමණ ආරක්ෂිතව ගමන් කිරීමට අවස්ථාව සැලසිණි. මීට අමතරව, අනුරාධපුරය සහ මිහින්තලය අතර ප්රධාන පුණ්ය භූමි වෙත ගමන් කිරීම සඳහා නොමිලේ දින තුනක් පුරා ක්රියාත්මක වූ බස්/දුම්රිය සේවාවන් මඟින් මගීන් 22,000කට වැඩි පිරිසකට පහසුකම් සපයා ඇත.
ශ්රී ලංකා පොලිසිය, ජීවිතාරක්ෂක සංගමය, නාවික හමුදාව සහ සිවිල් ආරක්ෂක දෙපාර්තමේන්තුව සමඟ එක්ව අනුරාධපුරය සහ අවට ජලාශ හා ජල මූලාශ්ර 44ක් ආවරණය වන පරිදි පුහුණු ජීවිතාරක්ෂකයින් 530කට අධික පිරිසක් යොදවා තිබූ අතර, මෙවර වැඩසටහන හරහා පුද්ගලයින් 6 දෙනෙකුගේ ජීවිත බේරා ගැනීමට හැකි වී තිබේ. ආරම්භයේ සිට මේ දක්වා මෙම වැඩසටහන මඟින් ජීවිත 250කට අධික ප්රමාණයක් බේරාගෙන ඇති අතර, වැඩසටහන ආවරණය කළ ප්රදේශවල කිසිදු ජීවිතක්ෂයට පත්වීමක් වාර්තා වී නොමැත.
ආරක්ෂක අමාත්යාංශයේ ආරක්ෂක පර්යේෂණ සහ සංවර්ධන මධ්යස්ථානය සමඟ එක්ව හඳුන්වා දුන් ඩිජිටල් සිතියම් සේවාව (Digital map service) හරහා බැතිමතුන්ට රථගාල්, පානීය ජලය, වැසිකිළි, වෛද්ය කඳවුරු, ආරක්ෂිත නාන තොටුපළවල් සහ හදිසි ඇමතුම් අංශ පහසුවෙන් සොයා ගැනීමට හැකි වූ අතර, සමස්තයක් ලෙස පරිශීලකයින් 267,000කට අධික පිරිසක් එය භාවිත කර ඇත. එසේම, රුධිර පීඩන පරීක්ෂණ සහ මුඛ පිළිකා දැනුවත් කිරීමේ සහ පරීක්ෂා කිරීමේ වැඩසටහන් මඟින්ද බැතිමතුන් විශාල පිරිසකට සේවා සපයා තිබේ.
