ඉදිරි මෝසම් වැසි කාලයත් සමඟ ඩෙංගු රෝගය ව්යාප්ත වීමේ වැඩි අවදානමක් තිබෙන බැවින් ඩෙංගු මර්දනය සඳහා සියලු අංශවල අවධානය තවදුරටත් වැඩි කළ යුතු බව කායික රෝග පිළිබඳ විශේෂඥ වෛද්ය ආනන්ද විජේවික්රම මහතා පවසයි.
එම නිසා ඩෙංගු රෝගය පාලනය කිරීම රජයට හෝ සෞඛ්ය අංශවලට තනිව කළ නොහැකි බවත්, එබැවින් මේ සඳහා සියලුම ජනතාවගේ සහාය අත්යවශ්ය බව හෙතෙම පැවසිය.
ඩෙංගු රෝගීන් වාර්තා වීමේ පැහැදිලි වර්ධනයක් මේ වසරේ දක්නට ලැබෙන බවත්, ඒ අනුව ජනවාරි මස සිට මේ දක්වා රෝගීන් 47,000කට වැඩි පිරිසක් වාර්තා වී ඇති බවත් විශේෂඥ වෛද්ය ආනන්ද විජේවික්රම මහතා කියා සිටියේය.
මෙතෙක් වාර්තා වූ රෝගීන්ගෙන් වැඩි පිරිසක් කොළඹ සහ ගම්පහ දිස්ත්රික්කවලින් වාර්තා වී තිබෙන බවත් සෞඛ්ය හා ආරක්ෂක අංශ එක්ව එම දිස්ත්රික්කවල පවතින කසළ ඉවත් කිරීම ඇතුළු පවිත්රතා වැඩසටහන් ක්රියාවට නංවා තිබෙන බවත් ඒ මහතා සඳහන් කළේය.
