අභිනව නිවහල් පෙරමුණේ නායකයා ලෙස පෙනී සිටිමින් කබානා ඉදි කිරීමේ ව්යාපෘතියක් සඳහා ආයෝජන ලබාගෙන එම ව්යාපෘතිය ක්රියාත්මක නොකිරීම සම්බන්ධයෙන් අත්අඩංගුවට ගත් අමිත් වීරසිංහ නමැත්තා රුපියල් කෝටි 10ක පමණ මුදලක් වංචා කර ඇති බව තෙල්දෙණිය පොලීසිය පවසයි.
මේ සම්බන්ධයෙන් ව්යාපෘතිය සඳහා මුදල් ආයෝජනය කළ පුද්ගලයින් 18 දෙනෙකු මේ වන විට පැමිණිලි ඉදිරිපත් කර ඇත. මෙම නඩුව ඊයේ (02) කැඳවූ අවස්ථාවේදී, මාස තුනක් තුළ අදාළ මුදල් පැමිණිලිකරුවන්ට නැවත ගෙවන බව සැකකරු තම නීතිඥයින් මාර්ගයෙන් අධිකරණයට දැනුම් දී තිබේ.
සැකකරුට විදෙස් ගමන් තහනමක් පැනවීමට අධිකරණය කටයුතු කර ඇති අතර, සෑම ඉරිදා දිනකම පෙරවරු 10.00ත් දහවල් 12.00ත් අතර තෙල්දෙණිය පොලීසියේ විශේෂ අපරාධ විමර්ශන ඒකකයේ පෙනී සිටින ලෙසද නියෝග කර ඇත. අගෝස්තු මස 03 වැනි දින නඩුව යළි කැඳවීමට නියමිතය. මධ්යම පළාත් නියෝජ්ය පොලිස්පති සුදත් මාසිංහ මහතාගේ උපදෙස් මත තෙල්දෙණිය පොලිස් මූලස්ථානාධිපති ප්රධාන පොලිස් පරීක්ෂක එම්.ඩී. චන්ද්රපාල මහතා ඇතුළු කණ්ඩායමක් මේ පිළිබඳ වැඩිදුර විමර්ශන සිදු කරයි.
