ඕස්ට්රේලියාවේ පවතින තෙල් පිරිපහදු දෙකෙන් එකක් වන මෙල්බර්න් නුවරට නිරිත දෙසින් පිහිටි විවා (Viva) සමාගමට අයත් ‘කෝරියෝ’ (Corio) පිරිපහදුවේ ඊයේ (15) මධ්යම රාත්රියේ දැවැන්ත ගින්නක් හටගෙන තිබේ. වික්ටෝරියා ප්රාන්තයේ ඉන්ධන අවශ්යතාවයෙන් 50%ක් සහ සමස්ත රටේ අවශ්යතාවයෙන් 10%ක් සපයන මෙම පිරිපහදුවේ ඇති වූ පිපිරීම් සහ ගිනිදැල් හේතුවෙන් එරට පෙට්රල් සැපයුමට දැඩි බලපෑමක් එල්ල වීමේ අවදානමක් මතුව ඇත. ගින්නෙන් කිසිවෙකුටත් තුවාල සිදුවී නොමැති වුවද, පෙට්රල් නිෂ්පාදන ඒකක දෙකකට හානි සිදුව ඇති බව වාර්තා වේ.
පසුගිය සති කිහිපය තුළ ඕස්ට්රේලියාවේ ඩීසල් මිල දෙගුණයකින් ඉහළ ගොස් ඇති පසුබිමක, මෙම අනතුර නිසා ජනතාව කලබලයෙන් ඉන්ධන රැස් කිරීමට පෙළඹීමෙන් පිරවුම්හල්වල හිඟයක් ද නිර්මාණය වී තිබේ. ආරක්ෂිත පියවරක් ලෙස ගුවන් යානා ඉන්ධන සහ ඩීසල් නිෂ්පාදනය දැනට අඩු මට්ටමකින් පවත්වාගෙන යන අතර, ගින්නට හේතුව “උපකරණවල දෝෂයක්” බවට වික්ටෝරියා ගිනි නිවන ඒකකය සැක කරයි. ඕස්ට්රේලියාව සිංගප්පූරුව වැනි රටවලින් ඉන්ධන ආනයනය කරන බැවින් දීර්ඝ කාලීන බලපෑම සීමිත වනු ඇතැයි විශේෂඥයෝ පවසති.
