බලංගොඩ සිට බගවන්තලාව හරහා මහනුවර දෙසට ධාවනය වූ මෝටර් රථයක් මාර්ගයෙන් ඉවතට පැන අඩි 300ක පමණ ප්රපාතයක පිහිටි කෙසෙල්ගමු ඔය අසලට පෙරළීමෙන් බරපතළ අනතුරක් සිදුව තිබේ. අද උදෑසන 8.30ට පමණ සිදුවූ මෙම අවාසනාවන්ත අනතුරින් එක් පුද්ගලයෙකු එම ස්ථානයේදීම ජීවිතක්ෂයට පත්ව ඇති බව වාර්තා වේ.
අනතුර සිදුවන අවස්ථාවේ මෝටර් රථයේ සිටි කාන්තාවන් දෙදෙනෙකු ද බරපතළ තුවාල ලබා ඇති අතර ඔවුන් වහාම දික්ඔය මූලික රෝහල වෙත ඇතුළත් කිරීමට පියවර ගෙන තිබේ. පොලීසිය මේ පිළිබඳව වැඩිදුර පරීක්ෂණ පවත්වන අතර අධික බෑවුම් සහිත මාර්ගයේ රිය ධාවනය කිරීමේදී සැලකිලිමත් වන ලෙස බලධාරීන් රියදුරන්ගෙන් ඉල්ලා සිටියි.
