නොකඩවා ඇද හැලෙන වර්ෂාව හේතුවෙන් බලපිටිය කොට්ඨාසයේ පහත් බිම් ප්රමාණයක් යටවී ඇති බව වාර්තා වේ. අහුන්ගල්ල පොල්අතුපළාත ගංගාතිලක විහාරස්ථානයද මාදු ගඟ පිටාර ගැලීම නිසා ජලයෙන් යටවී ඇත.
මාදු ගඟ ආසන්නයේ සොරොව්වක් අසන්නයේ මෙම විහාරස්ථානය පිහිටා තිබීම නිසා මෙසේ ජලයෙන් යටවී ඇති බවත්, මාදු ගඟේ කිඹුලන්ගේ ගහනය වැඩි නිසා කිඹුලන්ගේ තර්ජනයද ඇතිවිය හැකි බවත් විහාරවාසි බටුගම්පොළ විසුද්ධාලංකාර හිමියෝ පවසති. ඉදිරියේදී ප්රාදේශීය සභාව මගින් ජලයෙන් යටවන පාර පොළොව මට්ටමට වඩා උස් කර සකස් කර දීමට උත්සාහ කරන බව විහාරස්ථානය නිරීක්ෂණය කිරීමට ගිය බලපිටිය ප්රාදේශීය සභා මන්ත්රී ඇම්. ඩබ්ලිව්. සෙනරත් මහතා සඳහන් කර ඇත.
