Bally’s Colombo ආයතනයේ ප්රධාන මෙහෙයුම් නිලධාරී (Chief Operating Officer – COO) ලෙස රාහුල් අත්තනායක මහතා පත් කර තිබේ. මීට පෙර එම ආයතනයේ ප්රධාන මානව සම්පත් නිලධාරී (CHRO) ලෙස කටයුතු කළ ඒ මහතා, ස්වකීය නව ධුරය යටතේ Bally’s ආයතනයේ විවිධ ව්යාපාර ඒකකවල සමස්ත මෙහෙයුම් කටයුතු අධීක්ෂණය කිරීම, මෙහෙයුම් කාර්යසාධනය ඉහළ නැංවීම, සංවිධාන කාර්යක්ෂමතාව වර්ධනය කිරීම සහ දිගුකාලීන ව්යාපාරික උපායමාර්ග ක්රියාත්මක කිරීම ඇතුළු ප්රධාන වගකීම් රැසකට නායකත්වය දෙනු ඇත.
ප්රබල අධ්යාපනික හා වෘත්තීය පසුබිමකින් සමන්විත අත්තනායක මහතා දැනට මානව සම්පත් කළමනාකරණය පිළිබඳ දර්ශනපති (PhD) උපාධිය හදාරමින් සිටින අතර, ඔහු මානව සම්පත් කළමනාකරණය පිළිබඳ MBA උපාධියක්, උපායමාර්ගික අලෙවිකරණය පිළිබඳ MSc උපාධියක්, ව්යාපාර කළමනාකරණය පිළිබඳ ගෞරව උපාධියක් (BA Hons) සහ එක්සත් රාජධානියේ Chartered Institute of Marketing (CIM) වෘත්තීය සුදුසුකම් සපිරූ නායකයෙකි. මීට පෙර CHRO ලෙස කටයුතු කළ සමයේ ආයතනික ප්රතිපත්ති සංවර්ධනය, මානව සම්පත් පද්ධති නවීකරණය සහ අභ්යන්තර පාලන රාමුව ශක්තිමත් කිරීම සඳහා ඔහු විශිෂ්ට දායකත්වයක් ලබා දී ඇත.
මෙම පත්වීම සිදුවන්නේ Bally’s ආයතනය ආසියානු කලාපය තුළ සිය ව්යාපාරික මෙහෙයුම් පුළුල් කරන තීරණාත්මක කාලවකවානුවකදීය. මැනිලා නුවර පැවැති 2025 Asia Gaming Awards සම්මාන උළෙලේදී ‘Best Gaming Property of the Year’ සම්මානය දිනාගනිමින් ජාත්යන්තර අවධානයට ලක්වූ Bally’s ආයතනය, මෙම නව නායකත්ව පරිවර්තනය හරහා ආසියාවේ ප්රමුඛතම ඒකාබද්ධ ක්රීඩා සහ ආගන්තුක සත්කාර ගමනාන්තයක් බවට පත්වීමේ ආයතනික දැක්ම තවදුරටත් ඉදිරියට ගෙන යාමට අපේක්ෂා කරයි.
