පසුගිය මැයි මාසය තුළ බංග්ලාදේශය පුරා ක්රියාත්මක වූ ප්රචණ්ඩකාරී මැර කල්ලිවල පහරදීම් හේතුවෙන් අවම වශයෙන් පුද්ගලයන් 32 දෙනෙකු ජීවිතක්ෂයට පත්ව ඇති බව එරට Manabadhikar Shongskriti Foundation මානව හිමිකම් සංවිධානය පවසයි. පසුගිය මාස හයක කාලය තුළ එක් මාසයකදී වාර්තා වූ ඉහළම මරණ සංඛ්යාව මෙය බවද එම සංවිධානය සිය නවතම මාසික වාර්තාව හරහා පෙන්වා දෙයි.
මෙම වාර්තාවට අනුව, දේශපාලනික හා සමාජීය නොසන්සුන්තා මධ්යයේ මැයි මාසය තුළ රටේ විවිධ ප්රදේශවලින් ප්රචණ්ඩ ක්රියා රැසක් වාර්තා වී තිබේ. රට තුළ මතුව ඇති මෙම අස්ථාවර තත්ත්වය සහ මැර කල්ලිවල බලපෑම ජන ජීවිතයට දැඩි තර්ජනයක් වී ඇති අතර, නීතිය සහ සාමය පවත්වා ගැනීම සඳහා බලධාරීන් කඩිනම් පියවර ගත යුතු බවට සිවිල් සංවිධාන අනතුරු අඟවයි.
ප්රචණ්ඩ ක්රියා හේතුවෙන් ජීවිත හානි සිදුවීමත් සමඟ ජනතාව දැඩි බියකින් පසුවන අතර, මෙම තත්ත්වය පාලනය කිරීම සඳහා ආරක්ෂක අංශවල අවධානය යොමුව ඇති බව වාර්තා වේ.
