ඉන්දියාවේ සිට බංග්ලාදේශයට නීතිවිරෝධී ලෙස පුද්ගලයින් බලහත්කාරයෙන් ඇතුළු කර ගැනීමට උත්සාහ කරන බවට පවතින කනස්සල්ල හේතුවෙන් බංග්ලාදේශ දේශසීමා ආරක්ෂක භටයින් තම මුර සංචාර සහ විමර්ශන කටයුතු දැඩි කර තිබේ. ඉන්දියාවේ පාලක භාරතීය ජනතා පක්ෂය සිය දේශසීමා ආසන්න ප්රාන්තවල නීතිවිරෝධී සංක්රමණ මැඩලීමට ප්රමුඛතාවක් ලබා දෙන බව ප්රකාශ කර ඇති පසුබිමක මෙම තත්ත්වය උද්ගත වී ඇත.මීට පෙර ඉන්දියාවේ විදේශ අමාත්යාංශය ප්රකාශ කළේ, නීතිවිරෝධී ලෙස ඉන්දියාවේ වෙසෙන බවට සැක කෙරෙන බංග්ලාදේශ ජාතිකයින් 2,860කට අධික පිරිසකගේ පුරවැසිභාවය තහවුරු කරන ලෙස බංග්ලාදේශයෙන් ඉල්ලා ඇති බවයි. කෙසේ වෙතත්, බංග්ලාදේශ බලධාරීන් පවසන්නේ ඕනෑම ආකාරයක නැවත ආපසු භාරගැනීමේ ක්රියාවලියක් නිසි ද්විපාර්ශ්වික විධිවිධානවලට අනුකූලව සිදු විය යුතු බවයි.බංග්ලාදේශයේ බ්රාහ්මණබේරියා දිස්ත්රික්කයේ දේශසීමා ගම්මානවල පදිංචිකරුවන් දැනුවත් කිරීම සඳහා ශබ්ද විකාශන යන්ත්ර මගින් අනතුරු ඇඟවීම් සිදු කරමින් සිටින බවත්, නීතිවිරෝධී ලෙස පුද්ගලයින් ඇතුළු කිරීමට දරන උත්සාහයන්, මිනිස් ජාවාරම් සහ මත්ද්රව්ය ප්රවාහනය වැළැක්වීම සඳහා බුද්ධි අංශ මෙහෙයුම් ද ශක්තිමත් කර ඇති බවත් බංග්ලාදේශ දේශසීමා ආරක්ෂක බලඇණියේ ලුතිනන් කර්නල් එස්. එම්. ශරිෆුල් ඉස්ලාම් මහතා පවසයි.
