ඉරාන යුද්ධය හේතුවෙන් ගෝලීය බලශක්ති මිල ඉහළ ගොස් ඇති පසුබිමක වුවද, පොලී අනුපාත ඉහළ දැමීම සම්බන්ධයෙන් “ඉක්මන් නිගමනවලට එළඹීමට” තමන් සූදානම් නැති බව එංගලන්ත මහ බැංකුවේ (Bank of England) අධිපති ඇන්ඩෘ බේලි (Andrew Bailey) පවසයි. ජාත්යන්තර මූල්ය අරමුදලේ (IMF) වසන්ත සැසිවාරය සඳහා වොෂින්ටන් නුවරට පැමිණ සිටින ඔහු BBC පුවත් සේවය සමඟ අදහස් දක්වමින් මේ බව ප්රකාශ කළේය.
තෙල් සහ ගෑස් මිල ඉහළ යාම නිසැකවම භාණ්ඩ හා සේවා මිල කෙරෙහි බලපෑමක් ඇති කරන බව ඔහු පිළිගත්තද, පොලී අනුපාත පිළිබඳ තීරණයක් ගැනීම අනෙකුත් සාධක හේතුවෙන් “ඉතාමත් අපහසු” වී ඇති බව ඔහු පෙන්වා දුන්නේය. යුද්ධය නිසා ඇති වී තිබෙන බලශක්ති කම්පනය හමුවේ ලොව පුරා මහ බැංකු දැඩි අර්බුදයකට මුහුණ දී සිටින අතර, පවතින උද්ධමනය පාලනය කිරීම සහ ආර්ථික වර්ධනය ස්ථාවරව පවත්වා ගැනීම අතර සමබරතාවයක් ඇති කර ගැනීමට බැංකුව මෙහිදී උත්සාහ කරයි. මූල්ය අංශයේ අවදානම් සහ ඉරාන යුද්ධයේ බලපෑම පිළිබඳව මෑතකදී ප්රකාශයට පත් කළ වාර්තාවෙන් පසුව ඔහු විසින් සිදු කරන ලද මෙම ප්රකාශය ආයෝජකයින්ගේ දැඩි අවධානයට ලක්ව තිබේ.
