බ්රිතාන්යයේ ඇතැම් උපදේශකයින් සහ නීති වෘත්තිකයින් එක්ව, දකුණු ආසියානු සංක්රමණිකයන්ට දේශපාලන රැකවරණය (Asylum) ලබා ගැනීම සඳහා තමන් සමලිංගික පුද්ගලයින් ලෙස පෙනී සිටින ලෙස මඟ පෙන්වන මහා පරිමාණ ජාවාරමක් බීබීසී (BBC) විමර්ශනයකින් අනාවරණය කරගෙන තිබේ.
මෙම ජාවාරම්කරුවන් විසින් ව්යාජ ලෙස සකස් කළ ඡායාරූප, සහයෝගිතා ලිපි සහ වෛද්ය වාර්තා ඇතුළත් විශේෂ “ලේඛන පැකේජ” මුදලට විකුණන බව එම වාර්තාව පෙන්වා දෙයි. විශේෂයෙන්ම පකිස්ථානය සහ බංග්ලාදේශය වැනි සමලිංගික සබඳතා නීතිවිරෝධී රටවලින් පැමිණෙන පුද්ගලයින්ට, තමන්ගේ ලිංගික නැඹුරුව පදනම් කරගෙන මව් රටේදී පීඩාවට පත්වන බව පවසන ලෙස උපදෙස් දෙනු ලැබේ.
රැකියා හෝ අධ්යයන වීසා කාලසීමාව අවසන් වීමට ආසන්න පුද්ගලයින් ඉලක්ක කර ගනිමින් මෙම ජාලය ක්රියාත්මක වන අතර, එක් අයදුම්කරුවෙකුගෙන් යුරෝ 1,500 සිට 7,000 දක්වා (රුපියල් ලක්ෂ ගණනින්) විශාල මුදලක් අය කරන බව හෙළි වී තිබේ. ඇතැම් නීති උපදේශකයින් බ්රිතාන්ය ස්වදේශ කටයුතු අමාත්යාංශය (Home Office) මගින් අයදුම්පත ප්රතික්ෂේප වීමේ අවදානම ඉතා අඩු බවට සහතික වෙමින් මෙම වංචනික ක්රියාවන් සඳහා අනුබල දෙන බව ද වාර්තා වේ.
