බර්ක්ෂයර් හැත්වේ (Berkshire Hathaway) සමාගමේ නව ප්රධාන විධායක නිලධාරී ග්රෙග් ඒබල් (Greg Abel) මහතා පසුගියදා පැවති වාර්ෂික කොටස් හිමිකරුවන්ගේ හමුවේදී ප්රකාශ කළේ, පැසිෆික් කෝප් (PacifiCorp) ආයතනයට එරෙහිව ගොනු කර තිබූ ලැව්ගිනි නඩුකරය සම්බන්ධයෙන් ලැබුණු මෑතකාලීන අධිකරණ තීන්දුව හේතුවෙන් සමාගමේ වගකීම් අවදානම විශාල වශයෙන් අඩුවී ඇති බවයි.
ඔරිගන් ප්රාන්ත අභියාචනාධිකරණය මගින් ලබා දුන් එම තීරණය මඟින් නඩුව සාමූහික නඩුවක් (Class action) ලෙස ඉදිරියට ගෙන යා නොහැකි බවට ප්රකාශ කිරීමත් සමඟ, සමාගමට එරෙහිව එල්ල වී තිබූ ඩොලර් බිලියන ගණනක වන්දි ඉල්ලීම්වල දැඩි පීඩනය ලිහිල් වී තිබේ.
අදාළ අධිකරණ තීන්දුව හරහා නඩුවේ මුල් අවධියටම (back to first base) යාමට සිදුවීම වාසියක් බව ඒබල් මහතා පෙන්වා දුන්නේය. සමාගම මේ වන විට අනෙකුත් බටහිර ප්රාන්ත මෙන්ම ඔරිගන් ප්රාන්තය තුළද ලැව්ගිනි හානි පාලනය කිරීම සඳහා වන අරමුදල් සහ රෙගුලාසි ස්ථාපිත කිරීමට බලධාරීන් සමඟ සාකච්ඡා කරමින් සිටී.
