ලොව ප්රමුඛතම බිට්කොයින් හුවමාරු මධ්යස්ථාන වෙත සිදුවන බිට්කොයින් ගලා ඒමේ දත්ත (Inflows) මගින් ආයෝජකයන්ගේ හැසිරීම් රටාවේ පැහැදිලි වෙනසක් පෙන්නුම් කරන බව කොයින්ටෙලිග්රාෆ් (Cointelegraph) වාර්තා කරයි. විශේෂයෙන්ම බයිනෑන්ස් වෙත බිට්කොයින් ගලා ඒම අඩු වී ඇති අතර, එය කෙටිකාලීන විකුණුම් පීඩනය (Selling pressure) ලිහිල් වීමේ සලකුණක් ලෙස සැලකේ.
බිට්කොයින් 100ත් 1,000ත් අතර ප්රමාණයක් රඳවාගෙන සිටින මධ්යම ප්රමාණයේ පසුම්බි (Wallets) මගින් බයිනෑන්ස් වෙත බිට්කොයින් ගලා ඒම 2023 වසරේ මට්ටම දක්වා පහත වැටී තිබේ. දැනට දින හතක සාමාන්යය බිට්කොයින් 3,000ත් 4,000ත් අතර පවතින අතර, මෙය 2023 වසරේ අප්රේල්-මැයි මාසවල පැවති 5,500-6,000 සීමාවට වඩා බෙහෙවින් අඩුය.
බයිනෑන්ස් හි තත්ත්වයට වඩා වෙනස්ව, අප්රේල් 19 වන දින කොයින්බේස් වෙත බිට්කොයින් 8,500ක් පමණ මධ්යම ප්රමාණයේ පසුම්බිවලින් ගලා ඒම වාර්තා විය. මෙය 2022 වසරේ FTX ආයතනය බිඳවැටුණු අවස්ථාවේ දක්නට ලැබුණු මට්ටමට සමාන ඉහළ අගයකි. මෙලෙස යම් වෙළඳපොළවල් වෙත පමණක් බිට්කොයින් ගලා ඒම තුළින් ආයෝජකයන් අතර පවතින්නේ මිශ්ර හැඟීමක් බව පැහැදිලි වේ.
පසුගිය මාර්තු මාසයේ සිට හුවමාරු මධ්යස්ථානවලින් බිට්කොයින් ඉවතට ගලා යාමේ (Outflow) ප්රවණතාවක් දක්නට ලැබුණි. මාර්තු මාසය තුළ බිට්කොයින් 300,000ක් පමණ හුවමාරු මධ්යස්ථානවලින් ඉවතට ගොස් ඇති අතර, අප්රේල් 21 වන විට එම ප්රමාණය 98,000ක් ලෙස වාර්තා වේ. හුවමාරු මධ්යස්ථාන සතු බිට්කොයින් සංචිත ද අඛණ්ඩව සති හතක් පුරා පහත වැටී ඇති අතර එය වෙළඳපොළේ සැපයුම සීමා වීමක් පෙන්නුම් කරයි.
මෙම දත්ත මගින් පෙනී යන්නේ බිට්කොයින් වෙළඳපොළ තුළ මහා පරිමාණ විකුණුම් නියෝග (Sell orders) දැනට පෝලිම් ගැසී නොමැති බවයි. කෙසේ වෙතත්, කොයින්බේස් වෙත ගලා ආ විශාල බිට්කොයින් ප්රමාණය කෙටිකාලීනව මිල වෙනස්වීම් කෙරෙහි බලපෑ හැකි සාධකයක් ලෙස වෙළඳපොළ විශ්ලේෂකයෝ අවධානයෙන් පසුවෙති.
