කෘතිම බුද්ධිය (AI) ආශ්රිත තාක්ෂණික වෙනස්කම් සහ වර්තමාන භූ-දේශපාලනික නොසන්සුන්තාව හේතුවෙන් වෙළඳපොළ වේගයෙන් උච්චාවචනය වන බැවින්, විවිධ හෙජ් අරමුදල් උපායමාර්ග හරහා සිය ආයෝජන ව්යාප්ත කරන ලෙස ලොව විශාලතම වත්කම් කළමනාකරණ ආයතනය වන BlackRock ආයෝජකයින්ගෙන් ඉල්ලා සිටියි. ඩොලර් ට්රිලියන 14ක වත්කම් කළමනාකරණය කරන එම ආයතනය පෙන්වා දෙන්නේ, මෙවැනි වාතාවරණයක් තුළ එකම උපායමාර්ගයකට සීමා වීම අවදානම් සහගත බවයි.
බදාදා නිකුත් කරන ලද සිය නවතම වාර්තාව මඟින් BlackRock අවධාරණය කළේ, හෙජ් අරමුදල් මඟින් ලැබෙන ප්රතිලාභවලට සැබවින්ම බලපාන සාධක මොනවාද සහ තම ආයෝජන කළඹ තුළ එකිනෙකට බැඳුණු අවදානම් (Correlated risks) පවතින්නේ කොතැනද යන්න පිළිබඳව ආයෝජකයින් වඩාත් විමසිලිමත් විය යුතු බවයි. විශේෂයෙන්ම “Multi-strategy” හෙජ් අරමුදල් වේදිකාවල සිදුවන අධික තදබදය (Crowding) සහ ණය ලබාගෙන සිදුකරන ආයෝජන (Leverage) වෙළඳපොළ අස්ථාවරත්වය තවත් තීව්ර කළ හැකි බව එම වාර්තාව අනතුරු අඟවයි.
පසුගිය මාර්තු මාසයේදී ඉරාන යුද්ධය හේතුවෙන් කොටස් සහ බැඳුම්කර වෙළඳපොළේ ඇති වූ කඩාවැටීමත් සමඟ, ගෝලීය හෙජ් අරමුදල් වසර හතරකට පසු දරුණුතම පසුබෑමකට ලක් විය. ගෝල්ඩ්මන් සැක්ස් (Goldman Sachs) පර්යේෂණවලට අනුව, මෙම අස්ථාවරත්වයට ප්රතිචාර වශයෙන් අරමුදල් කළමනාකරුවන් පසුගිය වසර 13ක කාලය තුළ වේගවත්ම වේගයෙන් කොටස් අලෙවි කරමින් වෙළඳපොළෙන් ඉවත් වීමට පටන් ගෙන තිබේ. 2025 වසරේ ලැබූ ඉහළ සාර්ථකත්වයෙන් පසු 2026 පළමු කාර්තුව තුළ මෙම අරමුදල් දැඩි පීඩනයකට ලක්ව ඇත.
