පෝට්ලන්ඩ් ට්රේල් බ්ලේසර්ස් (Portland Trail Blazers) කණ්ඩායමේ ඩෙනි ඇව්ඩිජා (Deni Avdija) වාර්තා කළ ලකුණු 41 හමුවේ ෆීනික්ස් සන්ස් (Phoenix Suns) කණ්ඩායම පරාජය කරමින් NBA බටහිර කලාපීය ප්ලේ-ඕෆ් (Playoffs) වටයට සුදුසුකම් ලැබීමට පෝට්ලන්ඩ් කණ්ඩායම සමත් විය. තියුණු මුහුණුවරක් ගත් මෙම තරගයෙන් පෝට්ලන්ඩ් පිල ලකුණු 114-110ක ජයක් වාර්තා කළේ වසර හතරකට පසු පළමු වරට ප්ලේ-ඕෆ් වටයට පිවිසෙමිනි.
තරගයේ අවසන් තත්පර 16දී ඇව්ඩිජා ලබාගත් තීරණාත්මක ලකුණු තුන පෝට්ලන්ඩ් ජයග්රහණය තහවුරු කළ අතර, ඔහු ලකුණු 41කට අමතරව සහායක ලකුණු (Assists) 12ක් සහ රීබවුන්ඩ් 7ක් ලබා ගනිමින් අතිවිශිෂ්ට දක්ෂතා දැක්වීය. සන්ස් කණ්ඩායම වෙනුවෙන් ජේලන් ග්රීන් ලකුණු 35ක් ලබා ගත්තද, අවසන් මොහොතේ එල්ල කළ ලකුණු තුනේ ප්රයත්නය අසාර්ථක වීමෙන් ඔවුන්ට පරාජය හිමි විය. පෝට්ලන්ඩ් කණ්ඩායම ලබන ඉරිදා සැන් ඇන්ටෝනියෝ ස්පර්ස් (San Antonio Spurs) කණ්ඩායම සමඟ සිය මීළඟ තරග වටය ආරම්භ කරනු ඇත.
හෝනට්ස් පිලෙන් හීට් පිලට තේජාන්විත පරාජයක්
මේ අතර පැවති තවත් තරගයකින් මියාමි හීට් (Miami Heat) කණ්ඩායම ලකුණු 127-126ක් ලෙස පරාජය කිරීමට චාලට් හෝනට්ස් (Charlotte Hornets) කණ්ඩායම සමත් විය. අතිරේක කාලය (Overtime) දක්වා ඇදී ගිය මෙම තරගයේදී ලැමෙලෝ බෝල් (LaMelo Ball) ලකුණු 30ක් ලබා ගනිමින් හෝනට්ස් පිලට ජයග්රහණය ගෙන ආවේය. මියාමි හීට් කණ්ඩායමේ ප්රබල ක්රීඩක බෑම් අඩෙබායෝ (Bam Adebayo) තරගය අතරතුර ඇති වූ ආබාධයක් හේතුවෙන් ඉවත් වීම ඔවුන්ට දැඩි පාඩුවක් විය.
මෙම ජයග්රහණයත් සමඟ හෝනට්ස් කණ්ඩායම ප්ලේ-ඉන් තරගාවලියේ ඉදිරියට යන අතර, මියාමි හීට් කණ්ඩායමේ මෙවර NBA තරග වාරය නිමාවට පත් විය.
