බ්රිතාන්ය බහුජාතික තෙල් හා ගෑස් සමාගමක් වන බී.පී. (BP) හි සභාපති ධුරයෙන් මෑතකදී ඉවත් කරන ලද ඇල්බට් මැනිෆෝල්ඩ් (Albert Manifold) සහ අධ්යක්ෂ සයිමන් හෙන්රි (Simon Henry) අතර බරපතල මත ගැටුමක් හටගෙන ඇති බව වාර්තා වේ. වෝල් ස්ට්රීට් ජර්නල් (WSJ) වාර්තා කරන පරිදි, මෙම ගැටුම හටගෙන ඇත්තේ මේ වසරේ මුල් භාගයේදී පැවැති අතිශය රහසිගත සහ සංවේදී ව්යාපාරික ගිවිසුමක් පිළිබඳ සාකච්ඡා කළමනාකරණය කිරීම සම්බන්ධයෙනි.
පසුගිය අඟහරුවාදා බී.පී. සමාගම විසින් මැනිෆෝල්ඩ්ව තනතුරෙන් නෙරපා හරින ලදී. සමාගම පවසන්නේ ඔහුගේ පාලන ප්රමිතීන්, අධීක්ෂණය සහ හැසිරීම සම්බන්ධයෙන් බරපතල කනස්සල්ලක් පැවති බවයි. කෙසේ වෙතත්, තමන්ව කිසිදු පූර්ව අනතුරු ඇඟවීමකින් තොරව ඉවත් කළ බවත්, සමාගම තමන්ගේ හැසිරීම විස්තර කර ඇති ආකාරය ප්රතික්ෂේප කරන බවත් මැනිෆෝල්ඩ් වැඩිදුරටත් සඳහන් කරයි.
