කේම්බ්රිජ් විශ්වවිද්යාලයේ වුල්ෆ්සන් විද්යාලයේදී පැවැති ගෝලීය බලගතු කාන්තා සංසදයේ (Global Power Women Forum – GPWF 2026) ප්රධාන දේශනය පවත්වමින්, ගෝලීය ආර්ථික පරිවර්තනයේදී කාන්තා නායකත්වයේ ඇති වැදගත්කම අගමැතිනි ආචාර්ය හරිනි අමරසූරිය මහත්මිය පෙන්වා දුන්නාය. ලොව පුරා රාජ්ය නායකයන් සහ ව්යාපාරික ප්රධානීන් රැසක් එක්වූ මෙම සමුළුව අමතා ඇය අදහස් දැක්වූයේ සූම් (Zoom) තාක්ෂණය ඔස්සේය.
‘අර්බුද හරහා පාලනය: කාන්තා නායකත්වය සහ ජනතාව කේන්ද්ර කරගත් ආර්ථික පුනරුත්ථාපනයේ ව්යූහය’ යන මාතෘකාව ඔස්සේ කරුණු දැක්වූ අගමැතිනිය, ශ්රී ලංකාවේ ආර්ථිකය යථා තත්ත්වයට පත් කිරීම සඳහා රජය ගෙනයන වැඩපිළිවෙළ ලෝකය හමුවේ තැබුවාය. එහිදී ආයතනික පාලනය ශක්තිමත් කිරීම, ඩිජිටල් පරිවර්තනය සහ රජයේ ‘සමෘද්ධිමත් දේශයක්, ලස්සන ජීවිතයක්’ ප්රතිපත්තිමය දැක්ම යටතේ රාජ්ය පරිපාලනයේ ඉහළම මට්ටම් සඳහා කාන්තාවන් දායක කරගන්නා ආකාරය ඇය පැහැදිලි කළාය.
මෙම සමුළුවේදී අගමැතිනි හරිනි අමරසූරිය මහත්මියගේ විශිෂ්ට නායකත්වය අගය කරමින් ඇය වෙත ‘Global Power Impact & Legacy Honour‘ නමැති සුවිශේෂී සම්මානය පිරිනැමුණි. අග්රාමාත්යවරිය වෙනුවෙන් ලන්ඩනයේ ශ්රී ලංකා මහ කොමසාරිස් කාර්යාලයේ නියෝජ්ය මහ කොමසාරිස්වරයා විසින් මෙම සම්මානය භාරගෙන තිබේ.
