කිසිවිටකත් සමගි ජන බලවේගය හෝ තමන් වගකීම් පැහැහැර නැති බවත්, එහෙත් රට විනාශ මුඛයට රැගෙන ගිය පොහොට්ටුවේ හොර කල්ලි සහ රාජපක්ෂවරු සමග සන්ධානගතව ආණ්ඩු හැදිය නොහැකි බවත් විපක්ෂ නායක සජිත් ප්රේමදාස මහතා පවසයි.
විපක්ෂනායකවරයා මේ බව පැවසුවේ කුරුණෑගල දිස්ත්රික්කයේ මාවතගම ආසනයේ ආසන බලමණ්ඩල රැස්වීම අද(19) මාවතගම සාමෝදය ශාලාවේ දී පැවැති අවස්ථාවේදිය.
අද මේ රටේ ජනතාවට මේ ආණ්ඩුව පිළිබඳව අබමල් රේණුවක විශ්වාසයක් නැති බව පැවසූ විපක්ෂ නායකවරයා එවැනි කණ්ඩායම් සමඟ ආණ්ඩු කරමින් මේ රට ගොඩනැඟිය හැක්කේ කෙසේදැයි විමසා සිටියේය.
තවදුරටත් මේ රට වැහිච්ච සංවෘත රටක් ලෙස ඉදිරියට ගෙන යා නොහැකි බව පැවසූ විපක්ෂ නායකවරයා ලෝකය සමඟ ගනුදෙනු කරන, ලෝකයට විවෘත,ලෝකය සමග පාලම් බඳින රටක් බවට අපේ රට පත්විය යුතු බවද පැවසීය.
මහ පාරේ පෝලිම්වල ලතවෙන ජනතාවට,පාසල් අහිමිව නිවෙස්වල ගත කරන දරුවන්ට, අනාගතය පිළිබඳව අපේක්ෂා භංග වූ තරුණ පරපුරට ලබා දෙන්නට විසඳුමක් හෝ වැඩපිළිවෙළක් මේ ආණ්ඩුවට නැති බව පැවසූ විපක්ෂ නායකවරයා ජනාධිපති සහ අගමැතිවරයා ඉල්ලා සිටින්නේ දුක දරාගෙන ඉන්න යැයි යැයි ද පැවසීය.
නැති බැරි බැරිකම් සහ නොහැකියාවන් පිළිබඳව කියන්නට ආණ්ඩුවක් අවශ්ය නැති බව පැවසූ හෙතෙම නව ජනවරමකින් මෙපිට මේ බරපතළ අර්බුදයට විසඳුම් නැති බවද පැවසීය.
අද වන විට රටට අත්ව ඇති ඉරණමට බොරු දේශප්රේමය ද හේතුවක් බව පැවසූ ප්රේමදාස මහතා සමගි ජන බලවේගයේ ඉදිරි දැක්ම වන්නේ රටේ නිෂ්පාදන කර්මාන්ත දියුණු කිරීම බවද පැවසීය.තොරතුරු තාක්ෂණය වර්ධනය කිරීමත්,සංචාරක කර්මාන්තය ප්රවර්ධනය කිරීමත්,කුසලතාවය සහ නිපුණතාවය ඇති ශ්රම වෙළෙඳ බලකායක් රට තුළ නිර්මාණය විය යුතු බවත් විපක්ෂනායකයරයා වැඩිදුරටත් කියා සිටියේය.
