1985 වසරේ Air India Flight 182 හෙවත් “Kanishka” ගුවන් යානා බෝම්බ ප්රහාරය සම්බන්ධයෙන් සිදුකරන පරීක්ෂණ කටයුතු අඩු කිරීමට හෝ නඩුව “inactive” තත්ත්වයට පත් කිරීමට සලකා බලන බවට Royal Canadian Mounted Police (RCMP) විසින් වින්දිත පවුල් වෙත දැනුම් දී ඇති බවට නව මතභේදයක් හටගෙන තිබේ. මෙම කරුණු NDTV විසින් පළ කළ වාර්තාවකට අනුවය.
1985 ජුනි 23 වැනිදා කැනඩාවේ මොන්ට්රියල් සිට ලන්ඩන් බලා පියාසර කරමින් තිබූ Flight 182 ගුවන් යානය අයර්ලන්ත වෙරළ ආසන්නයේදී බෝම්බයක් පුපුරා යාමෙන් විනාශ වූ අතර, එහි සිටි පුද්ගලයන් 329 දෙනාම මිය ගියහ. කැනඩා රජයේ වාර්තාවලට අනුව මියගිය පිරිස අතර කැනේඩියානු පුරවැසියන් 268 දෙනෙකු සිටි අතර, මෙම ප්රහාරය කැනඩා ඉතිහාසයේ දරුණුතම ත්රස්ත ප්රහාරය ලෙස නිල වශයෙන් හඳුන්වා ඇත.
NDTV වාර්තාවට අනුව, මේ මස ටොරොන්ටෝහි පැවති වින්දිත පවුල් සමඟ පැවති සාකච්ඡාවකදී පරීක්ෂණ කණ්ඩායමේ ප්රමාණය අඩු කිරීම සහ නඩුව “inactive” තත්ත්වයට පත් කිරීම සම්බන්ධයෙන් අදහස් ඉදිරිපත් වී තිබේ. Kanishka Foundation හි සභාපති Sanjay Lazar ඇතුළු වින්දිත පවුල් නියෝජිතයන් එවැනි පියවරකට විරෝධය පළ කරමින් කැනඩා අගමැති Mark Carney වෙත ලිපියක් යොමු කර ඇති බවද වාර්තා වේ.
මෙම ප්රහාරයෙන් පසුව පැවති පරීක්ෂණ හා නීතිමය ක්රියාවලිය දීර්ඝ කාලයක් පුරා පැවති අතර, කැනඩා රජයේ නිල වාර්තා අනුව ප්රහාරයේ පසුබිම හා ආරක්ෂක අංශවල ක්රියාකාරීත්වය සම්බන්ධයෙන් පසුව විශේෂ විමර්ශනයක්ද සිදුකර තිබේ. එබැවින් වසර 41කට පසුව පරීක්ෂණය අඩු කිරීම සම්බන්ධයෙන් මතුව ඇති මෙම වාර්තාව වින්දිත පවුල් අතර නැවතත් දැඩි අවධානයක් ඇති කර තිබේ.
