ගුවන් යානා පියාසර කිරීමේ වලංගු බලපත්රයක් නොමැතිව වසර 17කට අධික කාලයක් ප්රධාන ගුවන් නියමුවරයෙකු ලෙස කටයුතු කළ පුද්ගලයෙකු කැනඩා පොලීසිය විසින් අත්අඩංගුවට ගෙන තිබේ.
මෙම ව්යාජ නියමුවා 2009 වසරේ සිට 2025 වසර දක්වා කැනඩාව තුළ අභ්යන්තර ගුවන් ගමන් ඇතුළු ගුවන් ගමන් 900කට අධික සංඛ්යාවක් පියාසර කර ඇති බව විදෙස් මාධ්ය වාර්තා කරයි. අදාළ කාල සීමාව තුළ වාණිජ හෝ භාණ්ඩ ප්රවාහන ගුවන් යානා පියාසර කිරීමට අවශ්ය කිසිදු වලංගු අවසරපත්රයක් ඔහු සතුව නොතිබූ බව එරට පොලීසිය සිදු කළ පරීක්ෂණවලදී අනාවරණය වී ඇත.
මෙම තොරතුරු අනාවරණය වීමත් සමඟම එරට සිවිල් ගුවන්සේවා බලධාරීන් විසින් වහාම ක්රියාත්මක වන පරිදි අදාළ පුද්ගලයාගේ සේවය අත්හිටුවීමට පියවර ගෙන තිබේ. ගුවන් මගීන් දහස් ගණනකගේ ජීවිත බරපතළ අවදානමකට ලක් කිරීම සහ වංචනික ලෙස වෘත්තියේ නිරත වීම සම්බන්ධයෙන් ඔහුට එරෙහිව දැඩි නීතිමය චෝදනා එල්ල වී ඇත.
