කැනඩාවේ බ්‍රිතාන්‍ය කොලොම්බියා ප්‍රාන්තයේ, සමර්ලන්ඩ් (Summerland) දිස්ත්‍රික්කයේ වේගයෙන් පැතිර යන දරුණු ලැව්ගින්නක් හේතුවෙන් හදිසි තත්ත්වයක් ප්‍රකාශයට පත් කර තිබේ.
පාලනයකින් තොරව පැතිර යන මෙම (Bald Range) ලැව්ගින්න හේතුවෙන් ප්‍රදේශයේ දහස් සංඛ්‍යාත පිරිසකට සිය නිවෙස්වලින් ඉවත් වන ලෙස නියෝග කර ඇත. සමර්ලන්ඩ් ප්‍රදේශයට බටහිරින් කිලෝමීටර 15ක් පමණ දුරින් හටගත් මෙම ගින්න, අගෝස්තු 08 වන දින උදෑසන වන විට හෙක්ටයාර් 5,000කට වැඩි ප්‍රදේශයකට පැතිරී ගොස් තිබේ.
ගින්නේ බලපෑම හේතුවෙන් සමර්ලන්ඩ් ප්‍රදේශයේ විදුලිබල සැපයුම ඇණහිට ඇති අතර, ජල පවිත්‍රාගාරය මඟහැරීම නිසා ජල පද්ධතියට අසෝදිත ජලය ඇතුළුවීම හේතුවෙන් ජලය උළවා පානය කරන ලෙසටද (boil water notice) නිවේදනය කර ඇත. මේ වසරේ උණුසුම් හා වියළි කාලගුණ තත්ත්වය හේතුවෙන් කැනඩාවේ ඔන්ටාරියෝ සහ කියුබෙක් ඇතුළු ප්‍රදේශ කිහිපයකම ලැව්ගිනි හටගෙන ඇති අතර, ඒවා පාලනය කිරීම සඳහා මෙක්සිකෝව, ඕස්ට්‍රේලියාව, ප්‍රංශය සහ නවසීලන්තය වැනි රටවලින්ද සහය ලැබී තිබේ.
