මාලදිවයින සිට මෙරටට ළඟා වූ භාණ්ඩ නෞකාවක තිබී හිස් කන්ටේනර් පෙට්ටි මුහුදට වැටීම සම්බන්ධයෙන් වෙළෙඳ නාවික අධ්යයන කාර්යාලය විසින් විමර්ශනයක් ආරම්භ කර තිබේ.
මෙම සිදුවීමට අදාළ ප්රධාන කරුණු ලෙස, පෙරේදා (01) මෙරටට ළඟා වූ ‘MSS Graphene’ නෞකාවේ අසුරා තිබූ කන්ටේනර් අධික සුළං තත්ත්වය හේතුවෙන් මුහුදට වැටී ඇති අතර, කොළඹ වරායට බටහිර දෙසින් මුහුදට වැටුණු හිස් බහලුම් 17ක් පාවෙමින් පවතින බව ශ්රී ලංකා වරාය අධිකාරිය තහවුරු කර ඇත. මේ අතර, එම බහලුම් වලින් එකක් බෙන්තොට ඉඳුරුව අතුරුවැල්ල වෙරළ තීරයට ගොඩගසා ඇති අතර, පාවෙමින් පවතින මෙම බහලුම් හේතුවෙන් යාත්රාවලට සිදුවිය හැකි අනතුරු වළළා ගැනීමට අතිශයින් සුපරීක්ෂාකාරී වන ලෙස ධීවර හා ජලජ සම්පත් දෙපාර්තමේන්තුව සියලුම ධීවර යාත්රා වෙත හදිසි දැනුම්දීමක් සිදු කර තිබේ.
