China Duty Free Group විසින් කොළඹ වරාය නගරයේ ස්ථාපිත කර ඇති CDF Duty Free වෙළඳසැල, නව නියාමන සංශෝධන ඔස්සේ ශ්රී ලංකාවේ තීරුබදු රහිත (Duty-free) වෙළඳ ක්ෂේත්රය තවදුරටත් පුළුල් කිරීමට පියවර ගෙන ඇත. ඩුබායි සහ සිංගප්පූරුව වැනි ලොව ප්රමුඛ වෙළඳ මධ්යස්ථානවල පවතින “downtown duty-free” සංකල්පයට අනුව ක්රියාත්මක වන මෙම වෙළඳ සංකීර්ණය, ගුවන්තොටුපොළේ පවතින කාල සීමා පීඩනයකින් තොරව ජාත්යන්තර මට්ටමේ මිලදී ගැනීමේ අත්දැකීමක් ශ්රී ලාංකිකයන්ට ලබාදීමට සැලසුම් කර තිබේ.
යෝජිත නව නියාමන අනුව සෑම විදේශ ගමනකින් පසුවම ශ්රී ලංකා පුරවැසියන්ට සහ පදිංචිකරුවන්ට මෙහිදී භාණ්ඩ මිලදී ගැනීමට අවස්ථාව හිමිවන අතර, මෙරටට පැමිණීමෙන් පසු දින 4ක් ඇතුළත වාර දෙකක් වෙළඳසැලට පැමිණීමට ද අවසර හිමිවේ. ඇමරිකානු ඩොලර් මිලියන 5ක ආයෝජනයකින් 2024 සැප්තැම්බර් මස ආරම්භ වූ මෙම වෙළඳසැල මේ වන විට සංචාරකයන් 120,000කට අධික පිරිසකට සේවය ලබාදී ඇත. සුවඳවිලවුන්, විදුලි උපකරණ සහ ඇඳුම් ඇතුළු පුළුල් නිෂ්පාදන පරාසයක් මෙහිදී ලබාගත හැකි අතර, ආගමනික සංචාරකයෙකු සඳහා වන උපරිම මිලදී ගැනීමේ සීමාව ඩොලර් 2,000කි. සියලු ගනුදෙනු ඩිජිටල් පද්ධතියක් හරහා සම්බන්ධ කර ඇති බැවින් පූර්ණ විනිවිදභාවයකින් යුතුව මෙහෙයුම් සිදු කෙරේ.
