ලංකා විදුලිබල මණ්ඩලය ප්රතිව්යුහගත කිරීමේ ක්රියාවලිය යටතේ ස්වේච්ඡාවෙන් සේවයෙන් ඉල්ලා අස්වූ සේවකයින් සඳහා වන්දි මුදල් පිරිනැමීම අද (15) ආරම්භ වේ. “අභිමානවත් සේවයක සුරක්ෂිත නිමාව” යන තේමාව යටතේ පැවැත්වෙන මෙම විශේෂ උත්සවය බලශක්ති අමාත්ය අනුර කරුණාතිලක මහතාගේ ප්රධානත්වයෙන් පැවැත්වීමට නියමිතය.
මෙම වන්දි ගෙවීම් කටයුතු වෙනුවෙන් රජය රුපියල් බිලියන 8.5ක මුදලක් වෙන් කර ඇති අතර, මණ්ඩලයේ ප්රතිසංස්කරණ කටයුතු සාර්ථක කර ගැනීම සඳහා සහාය වූ සේවකයින්ගේ සුබසාධනය මෙහි ප්රධාන අරමුණ වී තිබේ. සේවයෙන් ඉවත් වූ සේවකයින්ට හිමි විය යුතු නීත්යානුකූල දීමනා සහ වන්දි මුදල් විනිවිදභාවයකින් යුතුව ලබා දීමට මෙහිදී කටයුතු සූදානම් කර ඇත.
