මධ්යම කඳුකරය ආරක්ෂා කර ගනිමින් පෝෂණය කිරීම සඳහා නව අධිකාරියක් පිහිටුවීමට අදාළ ක්රියාවලියේ ප්රගතිය විමසා බැලීමේ සාකච්ඡාවක් ජනාධිපති අනුර කුමාර දිසානායක මහතාගේ ප්රධානත්වයෙන් පවත්වා ඇත.
ජනාධිපති කාර්යාලයේදී ඊයේ (29) පැවති මෙම සාකච්ඡාවේදී අදාළ අධිකාරිය පිහිටුවීමේ ක්රියාවලියට අදාළ ප්රගතිය සහ ඊට අවශ්ය නීතිමය ප්රතිපාදන පිළිබඳව පුළුල් ලෙස විමසා බලන ලදී. මධ්යම කඳුකරය සුරක්ෂිත කර ගැනීමේ සහ පෝෂණය කිරීමේ දැඩි අවශ්යතාව ජනාධිපතිවරයා මෙහිදී අවධාරණය කළ අතර ඊට අදාළ යෝජනා සහ අදහස් ද ඉදිරිපත් කෙරිණි.
