මධ්යම කඳුකරයේ ජලවිදුලි බලාගාර ජලාශ පෝෂක ප්රදේශවලට තවදුරටත් ඇද හැලෙන අධික වර්ෂාවත් සමඟ මාවුස්සාකැලේ සහ කාසල්රී යන ප්රධාන ජලාශවල ජල මට්ටම පිටාර මට්ටමට ආසන්න වී තිබේ.
ලක්ෂපාන ජලවිදුලිබලාගාර සංකීර්ණයට අයත් මෙම ජලාශ දෙකෙහි ජල මට්ටම අද (අගෝස්තු 07) පෙ.ව. 6.00 වන විට පිටාර මට්ටමට පැමිණීමට පිළිවෙළින් අඩි 2ක් සහ අඩි 1 1/2ක පමණ ආසන්නයක පැවති බව ජලාශ භාර ඉංජිනේරුවෝ පවසති.
අඛණ්ඩ වැසි හේතුවෙන් ලක්ෂපාන, විමලසුරේන්ද්ර, කැනියොන් සහ ඉහළ කොත්මලේ යන ජලාශ වරින් වර වාන් දැමීම හා පිටාර ගැලීම සිදුවන අතර, ඒ හරහා ජාතික විදුලිබල පද්ධතියට අයත් බලාගාරවලින් උපරිම විදුලි උත්පාදනයක් ලබා ගනිමින් පවතී. කෙසේ වෙතත්, ජලාශ පිටාර ගැලීමත් සමඟ කැළණි ගඟේ ජල මට්ටම සීඝ්රයෙන් ඉහළ ගොස් ඇති බැවින්, ගඟ දෙපස පදිංචි ජනතාව දැඩි විමසිල්ලෙන් හා ආරක්ෂිතව සිටින ලෙස නුවරඑළිය දිස්ත්රික් ආපදා කළමනාකරණ ඒකකය ඉල්ලා සිටී.
