තමන්ව සිරගත කර පෞද්ගලික ජීවිතයට හානි කිරීමට කිසියම් හෝ පාර්ශ්වයක් නීතියට අයුතු ලෙස බලපෑමක් සිදු කළේ නම්, ඊට වගකිව යුතු පිරිසේ හත්මුතු පරම්පරාවටම තමන් සාප කරන බව පාර්ලිමේන්තු මන්ත්රී චමින්ද විජේසිරි මහතා පාර්ලිමේන්තුවේදී ආවේගශීලීව ප්රකාශ කළේය. බන්ධනාගාර පද්ධතිය තුළ රැඳවියන් මුහුණ දෙන අමානුෂික තත්ත්වයන් පිළිබඳව අදහස් දක්වමින් ඔහු මේ බව සඳහන් කළේය.
අධිකරණයකින් වසර 12ක සිරදඬුවමක් නියම කළ පසු, ඊට අමතරව තවත් වසර හතක් සිරගතව සිටීමට සිදුවීම බරපතළ අසාධාරණයක් බව පෙන්වා දුන් මන්ත්රීවරයා, වයසක සහ රෝගී රැඳවියන් නිදහස් කිරීම සඳහා බලයට පත්වීමට පෙර දුන් පොරොන්දු ඉටු කරන ලෙස ඉල්ලා සිටියේය. පුද්ගල උවමනාවන් මත නීතිය නැමීමට කටයුතු කළහොත් එහි බරපතළ විපාක විඳීමට සිදුවන බව අවධාරଣ කළ හෙතෙම, බලය සහ තනතුරු අසාධාරණය වෙනුවෙන් භාවිත නොකරන ලෙස දැඩි ලෙස අනතුරු ඇඟවීය.
