චෙම්මනි සමූහ මිනීවළෙන් මේ වන විට ගොඩගනු ලැබ ඇති අස්ථි කොටස් සංඛ්යාව 565ක් දක්වා ඉහළ ගොස් ඇති බවත්, එම කැනීම් කටයුතු සම්බන්ධයෙන් ඉදිරි ක්රියාමාර්ග අධිකරණ නියෝගවලට අනුකූලව ගන්නා බවත් රජය පවසයි.
මාධ්යවේදීන් විසින් මතු කරන ලද ප්රශ්නවලට පිළිතුරු දෙමින් කැබිනට් ප්රකාශක අමාත්ය නලින්ද ජයතිස්ස මහතා සඳහන් කළේ සඳුදා (17) දින අස්ථි කොටස් අටක් සහ තවත් එක් අස්ථි කොටසක් හමුවී ඇති අතර, ඒ අනුව මේ දක්වා සොයාගත් සමස්ත අස්ථි කොටස් සංඛ්යාව අතිරේක අස්ථි කොටස් 45ක් සමඟ 565ක් ලෙස සටහන් වන බවයි. වත්මන් කැනීම් අදියර අගෝස්තු 19 වැනි දින දක්වා ක්රියාත්මක වන බවත්, සියලුම අනාවරණයන් අධිකරණයට වාර්තා කරමින් පවතින බවත් අමාත්යවරයා වැඩිදුරටත් කියා සිටියේය.
මෙම කැනීම්වලින් අනාවරණය වූ ඡායාරූප මඟින් වින්දිතයන් අමානුෂික ලෙස ඝාතනය කර ඇඳුම් රහිතව භූමදාන කර ඇති බවට පෙනෙන්නට තිබීම සම්බන්ධයෙන් ද මාධ්යවේදීන් විසින් ප්රශ්න කරනු ලැබීය. සිරුරු තිබිය හැකි වෙනත් ස්ථාන හඳුනාගත හැකි බවට ප්රකාශ කර ඇති හිටපු ශ්රී ලංකා යුද හමුදා ලාන්ස් කෝප්රල් සෝමරත්න රාජපක්ෂගෙන් තොරතුරු ලබා ගැනීමට බලධාරීන් කටයුතු නොකළේ මන්දැයි යන්න පිළිබඳවත් අමාත්යවරයාගෙන් විමසා සිටියේය.
විමර්ශනවල ප්රමාදය පිළිබඳව මතු වූ ගැටලු සම්බන්ධයෙන් අදහස් දැක්වූ අමාත්යවරයා ප්රකාශ කළේ, ඉදිරි පියවර අධිකරණ නියෝගවලට අනුකූලව ගන්නා බවත් නියමිත වේලාවට සාක්ෂිකරුවන් කැඳවන බවත්ය. රජය විනිවිදභාවයෙන් යුතුව කටයුතු කිරීමට කැපවී සිටින බවත්, එම ස්ථානයට අදාළ සත්ය තොරතුරු ජනතාවට අනාවරණය කිරීමට අපේක්ෂා කරන බවත් හෙතෙම වැඩිදුරටත් අවධාරණය කළේය.
