දිට්වා සුළි කුණාටුවෙන් බරපතළ ලෙස හානි වූ පාලම් 14ක් ප්රතිසංස්කරණය කිරීම අරමුණු කරගනිමින් චීන මූල්ය ආධාර යටතේ විශේෂ ජාතික ව්යාපෘතියක් ක්රියාත්මක කිරීමට රජය පියවර ගෙන තිබේ. දිට්වා කුණාටුවේ බලපෑම හේතුවෙන් දිවයිනේ ප්රදේශ රැසක ප්රවාහන මාර්ග අවහිර වෙමින් යටිතල පහසුකම්වලට එල්ල වූ දැඩි බලපෑම හමුවේ, ජනතා දෛනික ජීවිතය සාමාන්ය තත්ත්වයට පත් කිරීම සඳහා මෙම හදිසි සහන සහ සංවර්ධන මැදිහත් වීම අත්යවශ්ය කරුණක් විය. බස්නාහිර, සබරගමුව, වයඹ, උතුරු මැද සහ නැගෙනහිර යන පළාත් මූලික කරගනිමින් විනාශයට පත් වූ ප්රධාන පාලම් පද්ධති යළි නඟා සිටුවීම මෙහි මූලික අරමුණ වී තිබේ.
චීන මහජන සමූහාණ්ඩුවේ සෘජු මූල්ය ආධාර මත ක්රියාත්මක වන මෙම ව්යාපෘතිය අදියර දෙකක් යටතේ සැලසුම් කර ඇති අතර, ඒ හරහා මෙරට ප්රවාහන ක්ෂේත්රයේ ප්රකෘතිමත් වීම වේගවත් වනු ඇත. එහි පළමු අදියර යටතේ ඉදිරි මාස 18ක කාලසීමාවක් තුළ අත්යවශ්යම පාලම් 9ක් සම්පූර්ණයෙන්ම අලුත්වැඩියා කර ජනතා අයිතියට පත් කිරීමට නියමිතව ඇත. ව්යසනයෙන් විපතට පත් ප්රදේශවල ආර්ථික ක්රියාකාරකම් යළි සක්රීය කිරීමටත්, කඩිනමින් ප්රවාහන සබැඳියා යථා තත්ත්වයට පත් කිරීමටත් මෙමඟින් ලැබෙන පිටුබලය අතිමහත් වන අතර, එය ද්විපාර්ශ්වික සබඳතාවල තවත් ප්රායෝගික ප්රතිඵලයක් ලෙස ද හැඳින්විය හැකිය.
මෙම ව්යාපෘතියේ ඉදිරි ක්රියාමාර්ග සාර්ථක කර ගැනීම සඳහා අදාළ අමාත්යාංශ සහ ආයතන අතර සමීප සම්බන්ධීකරණයකින් යුතුව කටයුතු කිරීමට නියමිතය. ස්වභාවික විපත්වලට ඔරොත්තු දෙන ආකාරයෙන් නව තාක්ෂණික ප්රමිතීන්ට අනුව මෙම පාලම් ඉදිකිරීම මඟින් අනාගතයේදී මතුවිය හැකි අවදානම් අවම කර ගැනීමට අපේක්ෂා කෙේ. ජාතික යටිතල පහසුකම් සංවර්ධන ක්රියාවලියේ සුවිශේෂී සන්ධිස්ථානයක් වන මෙම ව්යාපෘතිය, දිට්වා කුණාටුවෙන් කඩා වැටුණු ප්රදේශවල ප්රාදේශීය ආර්ථිකය යළි නඟා සිටුවීමට සහ දිගුකාලීන ස්ථාවරත්වයක් තහවුරු කිරීමට ඉමහත් රුකුලක් වනු ඇත.
