චීන-ඉන්දීය දේශසීමා ගැටලුව සම්බන්ධයෙන් දෙරටේ විශේෂ නියෝජිතයින්ගේ 25 වැනි සාකච්ඡා වටය බෙයිජිං නුවරදී සාර්ථකව පවත්වා ඇති අතර, දේශසීමා ස්ථාවරත්වය සහ ද්විපාර්ශ්වික සබඳතා වර්ධනය කර ගැනීම කෙරෙහි එහිදී විශේෂ අවධානය යොමු කර තිබේ.
චීන විශේෂ නියෝජිත මෙන්ම එරට විදේශ අමාත්ය වැන්ග් යී මහතා සහ ඉන්දියාවේ විශේෂ නියෝජිත මෙන්ම ජාතික ආරක්ෂක උපදේශක අජිත් දෝවාල් යන මහත්වරුන්ගේ ප්රධානත්වයෙන් පැවති මෙම සාකච්ඡා හරහා, දේශසීමා ආරවුල් ක්රමවත් ලෙස කළමනාකරණය කරමින් දෙරට අතර උපායමාර්ගික සන්නිවේදනය තවදුරටත් ශක්තිමත් කර ගැනීමට දෙපාර්ශ්වයම එකඟතාව පළ කර ඇත.
ආසියානු කලාපයේ ස්ථාවරත්වය සහ ගෝලීය උපායමාර්ගික වැදගත්කම තහවුරු කිරීම සඳහා සංවාදය, සාමය සහ සහයෝගීතාව ප්රධාන ප්රවණතාව බවට පත් කරමින් ඉදිරි ක්රියාමාර්ග අනුගමනය කිරීමට නියමිතව තිබීම, කලාපීය භූ-දේශපාලනික සබඳතා කෙරෙහි දැඩි ලෙස බලපානු ඇත.
