චීනයේ වයඹදිග ෂාන්සි (Shaanxi) සහ ගන්සු (Gansu) පළාත්වල බලධාරීන් විසින් හදිසි අනතුරු ඇඟවීම් නිකුත් කර ඇති අතර, දැඩි වර්ෂාපතනය හේතුවෙන් ගංවතුර සහ නායයෑම් ඇතිවීමේ අවදානම ඉහළ යාම නිසා සංචාරක ස්ථාන දුසිම් ගණනක් වසා දමා තිබේ.
ෂාන්සි පළාතේ අගනුවර වන ෂියාන් (Xian) නගරයේ ඇතැම් නාගරික ප්රදේශවලට ගංවතුර තත්ත්වයන් බලපෑමත් සමඟ එහි වර්ෂාපතන අනතුරු ඇඟවීම ඉහළම රතු මට්ටමට ඔසවා ඇත.
මේ අතර, ගන්සු පළාතේ ලොංනාන් (Longnan) දිස්ත්රික්කයේ සංචාරක ස්ථාන 61ක් තාවකාලිකව වසා දමා ඇති අතර, මෑතකදී එල්ල වූ හදිසි ගංවතුර සහ නායයෑම් හේතුවෙන් පුද්ගලයින් 30කට වැඩි පිරිසක් ජීවිතක්ෂයට පත්ව තිබීම නිසා බලධාරීන් දැඩි අවධානයෙන් පසුවේ.
