දකුණු චීන මුහුදේ පාරාසෙල් (Paracels) දූපත් සමූහයට අයත් යාගොං (Yagong) කුඩා දූපතෙහි චීනය විසින් නව ඉදිකිරීම් රැසක් සිදුකරමින් පවතින බව රොයිටර් පුවත් සේවය විසින් නිරීක්ෂණය කරන ලද නවතම චන්ද්රිකා ඡායාරූප මඟින් තහවුරු වී තිබේ.
ආරක්ෂක විශ්ලේෂකයින් පෙන්වා දෙන්නේ යාගොං දූපතේ සිදු කෙරෙන මෙම ඉදිකිරීම් කල්තියා අනතුරු ඇඟවීමේ රේඩාර් පද්ධතියක් (Early warning radar facility) විය හැකි බවයි. මෙය චීනය විසින් විශාලතම හමුදා කඳවුර ඉදිකරමින් සිටින බවට විශ්වාස කෙරෙන ඇන්ටෙලෝප් (Antelope) පරයට කිලෝමීටර 14 ක් ඊසාන දෙසින් පිහිටා ඇත. මෙම ඉදිකිරීම් මඟින් වැදගත් නාවික වෙළෙඳ මාර්ගයක් වන දකුණු චීන මුහුදේ උතුරු කොටසේ බලය තහවුරු කරගැනීමට චීනයට හැකියාව ලැබෙන බව ආරක්ෂක අංශ පෙන්වා දෙයි. කෙසේ වෙතත්, මෙම ඉදිකිරීම් කාලගුණික සහ ධීවර වැනි සිවිල් අවශ්යතා වෙනුවෙන් සිදුකරන බවට චීන රාජ්ය මාධ්ය ප්රකාශ කර තිබේ.
තොරතුරු උපුටා ගැනීම: Reuters ඇසුරින්
