අපරාධ පරීක්ෂණ දෙපාර්තමේන්තුවේ මනුෂ්ය ඝාතන හා සංවිධානාත්මක අපරාධ විමර්ශන අංශය විසින් සිදු කරන ලද පුළුල් විමර්ශනවලදී මීට වසර අටකට පෙර සිදුවූ බව කියන බරපතළ ගණයේ අපරාධයක තොරතුරු අනාවරණය කර ගැනීමට සමත්ව තිබේ. විදෙස් රටක නිෂ්පාදිත ගිනිඅවියක් සහ ජීව උණ්ඩ තොගයක් සමඟ අත්අඩංගුවට ගෙන රැඳවුම් නියෝග මත රඳවා ප්රශ්න කරනු ලබන සැකකරුවෙකුගෙන් හෙළි වූ මෙම තොරතුරු හරහා හෙළිදරවු වී ඇත්තේ අනියම් සම්බන්ධතාවක් මුල් කරගනිමින් මෙම මිනීමැරුම සිදු කර ඇති බවයි.
සැකකරු සහ විශ්රාමික හමුදා නිලධාරියාගේ බිරිඳ අතර පැවති සමීප සබඳතාවක් මත මෙම ඝාතනය ක්රියාත්මක කර ඇති අතර, කුරුවිට ප්රදේශයේදී අදාළ නිලධාරියාට පහරදී ඝාතනය කිරීමෙන් පසු මළ සිරුර ප්රදේශයේ ඉඩමක වළදමා අනතුරුව ගඟකට බැහැර කර ඇති බව ඔහු පිළිගෙන ඇත. කෙසේ වෙතත්, ඊයේ දිනයේදී සැකකරු විසින් විමර්ශන නිලධාරීන්ට අදාළ ස්ථාන පෙන්වා දුන්නද, වසර ගණනාවක් ගතවී තිබීම හේතුවෙන් මළ සිරුර මෙතෙක් සොයා ගැනීමට අපරාධ පරීක්ෂණ දෙපාර්තමේන්තුවට හැකි වී නැත.
මෙම අපරාධයට අමතරව, සිද්ධිය පිළිබඳව දැනුවත්ව සිටි තරුණියක්ද ඉන්දියාවට රැගෙන ගොස් ඝාතනය කර අතුරුදන් කර ඇති බවට සැකකරුගෙන් තවත් බිහිසුණු තොරතුරක් අනාවරණය වී තිබීම විශේෂත්වයකි. අපරාධ පරීක්ෂණ දෙපාර්තමේන්තුව මෙම ද්විත්ව ඝාතන රැල්ල පිටුපස ඇති සම්පූර්ණ ජාලය සහ සැකකරුගේ ක්රියාකාරකම් පිළිබඳව පුළුල් විමර්ශන තවදුරටත් ක්රියාත්මක කරනු ලබයි.
