ශ්රී ලාංකේය සංචාරක කර්මාන්තයේ සුවිසල් පරිවර්තනයක් සනිටුහන් කරමින්, ‘City of Dreams Sri Lanka’ සිය පළමු වසරේ අභිමානය සමරයි. ජාත්යන්තර මට්ටමේ විනෝදාස්වාදය, සංස්කෘතික අංග සහ සුඛෝපභෝගී අත්දැකීම් කොළඹට රැගෙන එමින්, මෙම ව්යාපෘතිය මේ වන විට කොළඹ නගරය කලාපයේ ප්රමුඛතම සංචාරක සහ විනෝදාස්වාද ගමනාන්තයක් බවට පත් කර තිබේ.
සුවිශේෂී ජාත්යන්තර අත්දැකීම්
බොලිවුඩ් සුපිරි තරුව රිතික් රෝෂන්ගේ සහභාගීත්වයෙන් ආරම්භ වූ මෙම ගමන, ගෙවුණු වසර පුරා දේශීය සහ ජාත්යන්තර කලාකරුවන් රැසකගේ දායකත්වය සමඟින් පොහොසත් විය. අර්ජුන් රාම්පාල්, ශ්වේතා ශර්ධා, සුනිල් ෂෙට්ටි සහ නියා ෂර්මා වැනි ප්රකට නළු නිළියන් සහභාගී වූ ‘Signature Glam’ සහ ‘Signature Diwali Glitz’ වැනි ඉහළ පෙළේ උත්සව හරහා සංචාරක ආකර්ෂණය වැඩිකර ගැනීමට හැකි විය. එමෙන්ම Viral Festival, Serendisco වැනි උළෙලවල් හරහා ජාත්යන්තර මට්ටමේ ඉලෙක්ට්රොනික සංගීත ශිල්පීන් සහ දේශීය කලාකරුවන් එකම වේදිකාවකට ගෙන ඒමට City of Dreams සමත් විය. ඊට අමතරව ජෝන් කීල්ස් පදනම සමඟ එක්ව ඉදිරිපත් කළ ‘La Bamba’ බ්රිතාන්ය West End බලපත්රලාභී සංගීතමය නාට්යය සහ ලෝක ප්රකට හාස්යෝත්පාදක රසල් පීටර්ස්ගේ ‘Relax World Tour’ ප්රසංගය මෙරට වේදිකා කලාවට නව මානයක් එක් කළේය.
උපායමාර්ගික අරමුණු
City of Dreams හි මූලික අරමුණ වී ඇත්තේ මුම්බායි සහ ඩුබායි වැනි ප්රමුඛ පෙළේ විනෝදාස්වාද නගර සමඟ තරඟ කළ හැකි ගමනාන්තයක් ලෙස කොළඹ ගොඩනැගීමයි. සිංහල – හින්දු අලුත් අවුරුදු, චීන අලුත් අවුරුදු, Holi Rush වැනි උත්සව මෙන්ම ‘Colombo Fashion Week’ සමඟ පවතින අඛණ්ඩ සහයෝගීතාව හරහා සංස්කෘතික හා විලාසිතා ක්ෂේත්රයේ කේන්ද්රස්ථානයක් ලෙස ද මෙම ආයතනය සිය අනන්යතාව තහවුරු කරගෙන ඇත.
වසර පුරාම විවිධත්වයකින් යුත් වැඩසටහන් ක්රියාත්මක කරමින්, City of Dreams Sri Lanka අද වන විට දේශීය සහ විදේශීය සංචාරකයින් සඳහා නිරන්තරයෙන් අලුත් අත්දැකීම් උරුම කර දෙන ප්රධාන ආකර්ෂණයක් බවට පත්ව තිබේ.
