කොලොම්බියාවේ ජනාධිපතිවරණය අද අපේක්ෂකයන් අතර තියුණු තරඟයක්

කොලොම්බියාවේ ජනාධිපතිවරණය සඳහා ඡන්ද විමසීම අද (මැයි 31) පැවැත්වෙන අතර, එය බොහෝ දුරට දෙවන වටයකින් අවසන් වන තරඟයක් වනු ඇතැයි අපේක්ෂා කෙරේ.අයිවන් සෙපෙඩා (Ivan Cepeda): වාමාංශික සෙනෙට් සභිකයෙකු වන 63 හැවිරිදි සෙපෙඩා, දැනට මත විමසුම්වල පෙරමුණේ පසුවේ. ඔහු නීතිවිරෝධී සන්නද්ධ කණ්ඩායම් සමඟ සාම සාකච්ඡා පැවැත්වීමටත්, වත්මන් රජය විසින් ආරම්භ කරන ලද සමාජ ප්‍රතිසංස්කරණ පුළුල් කිරීමටත් පොරොන්දු වී ඇත. ඒ අතර ඉහළ ආදායම් ලබන්නන් මත බදු වැඩි කිරීම, ගැටුම්වලින් විපතට පත්වූවන්ට හෙක්ටයාර මිලියනයක ඉඩම් ලබා දීම සහ සෞඛ්‍ය ආවරණය පුළුල් කිරීම ඔහුගේ සැලසුම් අතර වේ. අබෙලාඩෝ ඩි ලා එස්ප්‍රියෙල්ලා (Abelardo De La Espriella): නීතිඥයෙකු සහ ව්‍යාපාරිකයෙකු වන මොහු, දැඩි ආරක්ෂක ප්‍රතිපත්ති (security crackdown) ක්‍රියාත්මක කරන බවට පොරොන්දු වී ඇත. ඔහුගේ ප්‍රතිපත්ති සැල්වදෝරයේ නයිබ් බුකෙලේගේ ප්‍රතිපත්තිවලට සමාන බවට සැසඳේ. වැල්න්සියා (Valencia): රටේ පළමු කාන්තා නායිකාව වීමට බලාපොරොත්තුවෙන් සිටින දක්ෂිණාංශික සෙනෙට් සභිකවරියකි. ඇය දැඩි ආරක්ෂක ප්‍රතිපත්තිවලට මෙන්ම තෙල් සහ ගෑස් ගවේෂණයට සහයෝගය පළ කරයි.මත විමසුම්වලට අනුව, පළමු වටයේදී කිසිදු අපේක්ෂකයෙකුට ජයග්‍රහණය සඳහා අවශ්‍ය 50%ක ඡන්ද ප්‍රතිශතය ලබා ගැනීමට නොහැකි වනු ඇතැයි විශ්වාස කෙරෙන අතර, ජුනි මාසයේදී දෙවන වටයේ ඡන්ද විමසීමක් පැවැත්වීමට ඉඩ ඇත.