ශ්රී ලංකා මහ බැංකුව විසින් නිකුත් කරන ලද නවතම වාර්තාවන්ට අනුව කොළඹ දිස්ත්රික්කය සඳහා සම්පාදනය කරන ලද ඉඩම් තක්සේරු දර්ශකය (LVI) 2025 වසරේ පළමු භාගයට සාපේක්ෂව 2026 වසරේ පළමු භාගයේදී 5.9%ක මධ්යස්ථ වේගයකින් වර්ධනය වී තිබේ.
මෙම කාලපරිච්ඡේදයේදී ඉඩම් තක්සේරු දර්ශකයේ අනු දර්ශක ත්රිත්වම ඉහළ යෑමක් පෙන්නුම් කර ඇති අතර, නේවාසික ඉඩම් කාණ්ඩයේ මිල ගණන් 6.7%කින්ද, වාණිජමය වශයෙන් වැදගත් ඉඩම් කාණ්ඩයේ මිල ගණන් 5.7%කින්ද, සහ කාර්මික කටයුතු සඳහා භාවිත වන ඉඩම් කාණ්ඩයේ මිල ගණන් 5.2%කින්ද වාර්ෂිකව ඉහළ ගොස් ඇත. මහ බැංකුවේ නිල සංඛ්යාලේඛනවලට අනුව, 2017 වසරේ පළමු භාගය පදනම් වර්ෂය ලෙස සලකා සකස් කරන ලද මෙම දර්ශකයේ සමස්ත අගය 2026 පළමු භාගය වන විට 271.6ක් දක්වා වර්ධනය වී තිබේ.
