2026 සැප්තැම්බර් 13 වැනිදා පැවැත්වීමට නියමිත සමාරම්භක ‘කොළඹ මැරතන්’ (Colombo Marathon) තරඟාවලියේ නිල ලියාපදිංචි කිරීම් කටයුතු මේ වන විට නිල වශයෙන් ආරම්භ කර තිබේ. ක්රීඩා හා යෞවන කටයුතු අමාත්යාංශය විසින් සංවිධානය කරනු ලබන මෙම මහා මැරතන් තරඟාවලිය “සාමය සහ මානුෂීයභාවය සඳහා පියවර” (Steps for Peace and Humanity) යන තේමාව යටතේ පැවැත්වීමට නියමිතය.
මෙම තරඟාවලිය ප්රධාන කාණ්ඩ 4ක් යටතේ පැවැත්වේ: පූර්ණ මැරතන් (42.195 km), අර්ධ මැරතන් (21.097 km), කිලෝමීටර 10 තරඟය සහ කිලෝමීටර 5 විනෝද දිවීම (Fun Run) එම කාණ්ඩයන් වේ. තරඟයට සහභාගී වීමට කැමති අය www.colombomarathon.lk නිල වෙබ් අඩවිය හරහා මාර්ගගතව (Online) ලියාපදිංචි විය යුතු අතර, තරඟයට පෙර මාසයක් ඇතුළත ලියාපදිංචි වෛද්යවරයකුගෙන් ලබාගත් ශාරීරික යෝග්යතා සහතිකයක් (Medical Fitness Clearance) ඉදිරිපත් කිරීම සංවිධායකයන් විසින් අනිවාර්ය කර ඇත.
