ලෝක ශ්රේණිගත කිරීමේ (World Rankings) තරගාවලියක් ලෙස කොළඹ මැරතන් තරගාවලිය ලෝක මලල ක්රීඩා සංගමයේ නිල ගෝලීය දින දර්ශනයට එක්වීම ශ්රී ලංකා මලල ක්රීඩා ඉතිහාසයේ සුවිශේෂී සන්ධිස්ථානයක් සලකුණු කරයි.
තරුණ කටයුතු සහ ක්රීඩා අමාත්යාංශය මගින් සංවිධානය කරනු ලබන **”කොළඹ මැරතන් 2026″** තරගාවලිය සඳහා ඉදිරිපත් කළ අයදුම්පත ලෝක මලල ක්රීඩා සංගමය (World Athletics) විසින් අනුමත කර ඇත. ඒ අනුව, මෙම තරගාවලිය 2026 සැප්තැම්බර් 13 වන දින පෙරවරු 6.00 ට කොළඹ බාලදක්ෂ මාවතෙන් ආරම්භ වීමට නියමිතය.
මෙවර තරගාවලිය ප්රධාන කාණ්ඩ 4 ක් යටතේ පැවැත්වේ:
* පූර්ණ මැරතන් තරගය (කි.මී. 42)
* අර්ධ මැරතන් තරගය (කි.මී. 21)
* කිලෝමීටර 10 මාර්ග තරගය
* කිලෝමීටර 5 විනෝද දිවීම (Fun Run)
මෙම නිල ජාත්යන්තර පිළිගැනීමත් සමඟ, ක්රීඩක ක්රීඩිකාවන්ට විදේශගත නොවී තම මව්බිමේදීම ලෝක මලල ක්රීඩා සංගමයේ නිල ලෝක ශ්රේණිගත කිරීම් (World Rankings) සඳහා දක්ෂතා එකතු කර ගැනීමට කටයුතු සූදානම් කර ඇත. දෙස් විදෙස් ක්රීඩක ක්රීඩිකාවන් 4,000 කට අධික සංඛ්යාවක් සහභාගී වන මෙම තරගාවලියේ නිල ලියාපදිංචිය 2026 සැප්තැම්බර් 01 වන දිනෙන් අවසන් වේ.
වැඩිදුර තොරතුරු සහ ලියාපදිංචිය සඳහා [කොළඹ මැරතන් නිල වෙබ් අඩවිය](https://www.colombomarathon.lk) වෙත පිවිසිය හැක.
