ඉකොනොමිස්ට් බුද්ධි ඒකකය විසින් වාර්‌ෂිකව නිකුත් කරනු ලබන 2026 ගෝලීය ජීවන යෝග්‍යතා දර්ශකයේ දී, ලෝකයේ ජීවත් වීමට අසීරුතම නගර 173ක් අතරින් ශ්‍රී ලංකාවේ අගනුවර වන කොළඹ නගරය 165 වන ස්ථානයට පත්ව තිබේ. දේශපාලනික සහ ආර්ථික අස්ථාවරත්වය මෙන්ම පසුගිය කාලසීමාවේ රට තුළ පැවති උද්ධමනකාරී වාතාවරණය හේතුවෙන් කොළඹ නගරයේ ජීවන තත්ත්ව දර්ශකය පසුගිය වසරවලට සාපේක්ෂව පසුබෑමකට ලක්ව ඇති බව මෙම වාර්‌තාව මගින් පෙන්වා දෙයි.
මෙම දර්ශකයට අනුව, විශේෂයෙන්ම සෞඛ්‍ය පහසුකම්, නාගරික යටිතල පහසුකම්වල පවතින සීමාකාරී තත්ත්වයන් සහ සමාජ ස්ථාවරත්වය පිළිබඳ දර්ශක කොළඹ නගරයේ ශ්‍රේණිගත කිරීමට දැඩි බලපෑමක් එල්ල කර තිබේ. කලාපීය වශයෙන් ආසියානු රටවල නගර කිහිපයක් සිය ජීවන මට්ටම ඉහළ නංවා ගැනීමට සමත්ව සිටියදී, කොළඹ නගරය තවමත් ජාත්‍යන්තර ප්‍රමිතීන්ට අනුව ජීවන තත්ත්ව දර්ශකයේ ඉහළ අගයක් ලබා ගැනීමට අසමත් වී ඇති අතර, ජීවත් වීමට අසීරුතම නගර ලැයිස්තුවේ පහළ මට්ටමක පවතී.
ගෝලීය වශයෙන් ස්ථාවරත්වය සහ පාරිසරික සාධක මුල් කරගනිමින් නගර ඇගයීමට ලක්වන මෙම දර්ශකයේ කොළඹ නගරයට හිමිව ඇති මෙම අගය, අනාගතයේදී නාගරික සංවර්ධන සැලසුම් සහ ජාතික ආර්ථික ප්‍රතිසංස්කරණ සඳහා විශාල අභියෝගයක් බවට පත්ව ඇත. නගරයක ජීවන මට්ටම ඉහළ නැංවීම උදෙසා අවශ්‍ය කරන මූලික යටිතල පහසුකම් දියුණු කිරීම සහ දේශපාලනික ස්ථාවරත්වය තහවුරු කිරීම අත්‍යවශ්‍ය වන බවත්, එය ශ්‍රී ලංකාවේ ඉදිරි සංවර්ධන ඉලක්ක සපුරා ගැනීමට තීරණාත්මක සාධකයක් වනු ඇති බවත් මෙම වාර්‌තාව අවධාරණය කරයි.
