සිටිසන්ස් ඩිවලොප්මන්ට් බිස්නස් ෆිනෑන්ස්, සියරා කේබල්ස් සහ හේමාස් හෝල්ඩින්ග්ස් වැනි සමාගම්වල කොටස් මිල ඉහළ යාම හේතුවෙන් සියලු කොටස් මිල දර්ශකය (ASPI) ඉහළ ගිය අතර, එහි දෛනික පිරිවැටුම රුපියල් බිලියන 1.2 ඉක්මවා ගියේය. එසේම S&P SL20 දර්ශකයද ධනාත්මක ලෙස දිනය අවසන් කළේය. සියරා කේබල්ස්, පැන් අසියා බැංකුව සහ ජෝන් කීල්ස් හෝල්ඩින්ග්ස් හි ඉහළ ශුද්ධ වටිනාකම් හිමි සහ ආයතනික ආයෝජක සහභාගීත්වයක් දක්නට ලැබුණි.
හේකාබ්, සිලෝන් ටොබැකෝ කම්පනි සහ කොමර්ෂල් ක්රෙඩිට් ඇන්ඩ් ෆිනෑන්ස් හි මිශ්ර උනන්දුවක් පෙන්නුම් කළ අතර, බෙරුවල රෝර්ට්ස්, බ්රවුන්ස් ඉන්වෙස්ට්මන්ට්ස් සහ සොෆ්ට්ලොජි කැපිටල් හි සිල්ලර ආයෝජක උනන්දුවක් සටහන් විය. විදේශීය සහභාගීත්වය මන්දගාමී මට්ටමක පැවති අතර විදේශීය ආයෝජකයින් ශුද්ධ විකුණුම්කරුවන් ලෙස කටයුතු කළහ.
සතිය තුළ ASPI සහ S&P SL20 දර්ශක පිළිවෙළින් 1.0% කින් සහ 0.6% කින් පහත වැටී ඇති අතර, රුපියල් බිලියන 1.64 ක සාමාන්ය දෛනික පිරිවැටුමක් වාර්තා කළේය. ප්රාග්ධන භාණ්ඩ අංශය වෙළඳපළ පිරිවැටුමට ඉහළම දායකත්වයක් සැපයූ අතර, සියරා කේබල්ස් කොටස් මිල රුපියල් 2.00 (6.13%) කින් ඉහළ ගොස් රුපියල් 34.60 කින් අවසන් විය. ද්රව්ය අංශය දෙවනියට වැඩිම දායකත්වයක් ලබා දුන් අතර, හේකාබ් කොටස් මිල රුපියල් 3.75 (2.14%) කින් ඉහළ ගොස් රුපියල් 178.75 කින් අවසන් විය.
