ජාතික විදුලිබල සම්ප්රේෂණ ජාලය නවීකරණය කිරීමේ තවත් සන්ධිස්ථානයක් සනිටුහන් කරමින්, කෙරවලපිටිය උපපොළ සහ කොළඹ වරාය උපපොළ අතර දෙවන 220kV භූගත විදුලි රැහැන් පද්ධතියේ ඉදිකිරීම් කටයුතු අද (06) ආරම්භ කෙරිණි. බලශක්ති නියෝජ්ය අමාත්ය ආර්කම් ඉලියාස් මහතාගේ ප්රධානත්වයෙන් කෙරවලපිටිය උපපොළ පරිශ්රයේදී මෙම ව්යාපෘතිය ආරම්භ කරන ලදී.
ආසියාීය යටිතල පහසුකම් ආයෝජන බැංකුවේ (AIIB) ඇමරිකානු ඩොලර් මිලියන 52ක ණය ආධාර යටතේ ක්රියාත්මක වන මෙම ව්යාපෘතිය යටතේ කිලෝමීටර 16ක භූගත සම්ප්රේෂණ මාර්ගයක් ඉදිකෙරේ. කොළඹ වරාය නගරය ඇතුළු කොළඹ ප්රදේශයේ දිනෙන් දින වර්ධනය වන විදුලි ඉල්ලුම සපුරාලීමටත්, අනපේක්ෂිත බිඳවැටීම්වලදී විදුලි සැපයුම අඛණ්ඩව පවත්වා ගැනීමටත් මෙමඟින් විශාල පහසුකම් සැලසේ. සම්පූර්ණයෙන්ම රජයට අයත් ජාතික සම්ප්රේෂණ ජාල සේවා සපයන්නා (NTNSP) සමාගම විසින් ක්රියාත්මක කරන පළමු සම්ප්රේෂණ පද්ධති ව්යාපෘතිය මෙය වේ.
