මිනුවන්ගොඩ ප්රදේශයෙන් වාර්තා වු කොවිඩ් – 19 රෝගීන් කිහිපදෙනා වාර්තා වීම හේතුවෙන් හදිසි තත්ත්වයක් ලෙස දැනුම්දෙන බව සෞඛ්ය අමාත්යාංශය නිවේදනය කරයි.
ඒ අනුව එම වෛරසය සමාජය තුළ තවදුරටත් සම්ප්රේෂණය පාලනය කළ යුතු බව ද නිවේදනයක් නිකුත් කරමින් අමාත්යාංශය සඳහන් කර තිබේ.
රට තුල ජාතික ආරක්ෂාව වෙනුවෙන් සෞඛ්ය බලධාරින් විසින් ගත හැකි සෑම පියවරක්ම ගෙන ඇති බව සෞඛ්ය අමාත්යංශය එම නිවේදනයේ සඳහන් කර තිබේ.
මහජනතාව රැස්වන කිසිදු කටයුත්තකට සහභාගී නොවී සිටිම මහජන වගකීමක් බව සෞඛ්ය අමාත්යංශ සෞඛ්ය සේවා අධ්යක්ෂ ජනරාල් විශේෂඥ වෛද්ය එස්.ශ්රීධරන් මහතා නිවේදනයේ සඳහන් කර සිටියේ නිවෙස්වලින් පිටත පැමිණෙන විට මුහුණු ආවරණයක් සෑම විටම පැළඳිය යුතු බවත්, නිතර අත්සේදීම හා මුහුණ ස්පර්ශ කිරීමෙන් වැළකී සිටිය යුතු බව යි.
ආසාදිත පුද්ගලයෙකු ගෙන් තවත් පුද්ගලයෙකුට පැතිරීම වැළැක්වීමට සෑමවිටම නිවැරදි ශ්වසන ආචාර විධි අනුගමනය කළ යුතු අතර, වැඩිහිටියන් ආරක්ෂා කළ යුතු අතරම එළිමහන් ක්රියාකාරකම් හැකිතාක් අවම වන පරිදි ක්රියා කරන ලෙසත් ජනතාවගෙන් ඉල්ලා සිටී.
