කැරම් බෝඩ් සිද්ධිය සම්බන්ධයෙන් බරපතළ වැඩ සහිත වසර 30ක සිරදඬුවම් විඳින හිටපු ඇමති නලින් ප්රනාන්දු මහතා විසින් ගොනු කර තිබූ පෙත්සම ලබන ජුනි 25 වනදා දක්වා කල් තැබීමට අභියාචනාධිකරණය නියෝග කර තිබේ.
අභියාචනාධිකරණ විනිසුරු මඩුල්ල ඉදිරියේ මෙම පෙත්සම කැඳවූ අවස්ථාවේදී, විත්තිකරු වෙනුවෙන් පෙනී සිටි ජනාධිපති නීතිඥ අලි ශබ්රි මහතා කරුණු දක්වමින්, දැනටමත් අල්ලස් කොමිසම ගොනු කළ නඩුවකින් වරදකරු කර ඇති තම සේවාදායකයාට එරෙහිව නීතිපතිවරයා තවත් නඩුවක් ගොනු කිරීම නීතියට පටහැනි බව පෙන්වා දුන්නේය. එකම චෝදනාවකට දෙවතාවක් නඩු පැවරීම ගැටලු සහගත බව පෙන්වා දුන් නීතිඥවරයා, මෙම චෝදනා පත්ර නීති විරෝධී බවට තීන්දුවක් ලබා දෙන ලෙස ඉල්ලා සිටියේය.
2015 ජනාධිපතිවරණය සමයේ සතොස හරහා කැරම් බෝඩ් සහ දාම් ලෑලි බෙදාහැරීම මගින් රජයට රුපියල් මිලියන 39ක පාඩුවක් සිදුකළ බවට හිටපු ඇමතිවරයාට එරෙහිව චෝදනා එල්ල වී ඇත.
එදිනට නීතිපතිවරයාගේ ස්ථාවරය අධිකරණයට ඉදිරිපත් කිරීමට නියමිත අතර, එතෙක් මෙම පෙත්සම කල් තබා ඇත.
