පසුගිය කාලසීමාව තුළ සිදු වූ ඉන්ධන මිල සංශෝධනයන් හේතුවෙන්, මෑත මාසවලට සාපේක්ෂව මේ වන විට මෙරට ඉන්ධන පරිභෝජනය කැපී පෙනෙන ලෙස අඩු වී ඇති බව ලංකා ඛනිජ තෙල් නීතිගත සංස්ථාව (CPC) පවසයි.
ලංකා ඛනිජ තෙල් නීතිගත සංස්ථාවේ කළමනාකාර අධ්යක්ෂ මයුර නෙත්තිකුමාර මහතා අනාවරණය කළේ, මෑත ඉතිහාසය තුළ ඉහළම ඉන්ධන පරිභෝජනයක් වාර්තා වී තිබුණේ පසුගිය මාර්තු මාසයේදී බවයි. කෙසේ වෙතත් මිල ගණන් ඉහළ යාමත් සමඟ මැයි මාසය වන විට පරිභෝජන රටාවේ මෙම පැහැදිලි අඩුවීම දක්නට ලැබෙන බව ඔහු පෙන්වා දුන්නේය.
මේ අතර, ඉදිරි මාස සඳහා අවශ්ය තොග කලමනාකරණය කරගනිමින්, එළඹෙන නොවැම්බර් මාසයට අදාළ ඉන්ධන අවශ්යතාව වෙනුවෙන් වූ ඇණවුම් ද මේ වන විටත් ලබා දීමට කටයුතු කරමින් සිටින බව කළමනාකාර අධ්යක්ෂවරයා වැඩිදුරටත් ප්රකාශ කළේය.
